نجل عدلي القيعي لـ«فتحي»:حبك واحترامك عندنا مرتبط بوجودك في الأهلي
قال محمد عدلي القيعي، بعد توقيع أحمد فتحي، على عقود تجديده للنادي الأهلي موسمين، وذلك بعد إثارة الشائعات الفترة الماضية، عن انتقاله للاحتراف خارج مصر، «الناس بتاعة دلوقتي بقى فتحي حلو والجوكر مش كان من أسبوع يلا يا فتحي امشي وخد عبدالله وامشي».
وتابع «القيعي» عبر حسابه الرسمي على موقع التغريدات القصيرة «تويتر» :«آه هو بالضبط كده وكفرد من جمهور الأهلي مش شايف أن في رسالة أوضح من ده. وشايف أن ده دليل جديد على وعي وقوة جمهور الأهلي ونضجه».
وأضاف «هو كده. غلاوتك مرتبطة بوجودك في الأهلي وقيمتك عند الجمهور من قيمة الأهلي عندك. مش موهبتك مش رجولتك مش أي حاجة تانية. كل ده مهم جدا جدا ويزيد من غلاوتك وقيمتك بس أولا الأهلي وارتباطك به».
«كل ده مش معناه أن نهين حد أو نغلط في حد وده عبقرية جمهور الأهلي. الرسايل من الأول كانت من غير إهانة وغلط. كانت بمنتهى البساطة مش عايز الأهلي أنت حر ومش حنغلط فيك بس إحنا اللي مش عايزينك. عايز الأهلي، أنت راجل وإضافة ونفرح لك جدا بختم مسيرتك في أعظم نادي في الكون».
