ساويرس لـ«وزير التنمية المحلية»: اعتذر علشان الصعايدة زعلهم وحش
استنكر رجل الأعمال المهندس نجيب ساويرس، تصريحات اللواء أبو بكر الجندي وزير التنمية المحلية الجديد، حول أهل الصعيد، قائلا: «أنا صعيدي متعصب والصعايدة أجدع ناس، وبييجوا علشان يدوروا على أكل عيشهم، وبيسكنوا في أي حتة مش علشان يعملوا عشوائيات».
وقال ساويرس في مداخلة هاتفية لبرنامج «على مسئوليتي» المذاع على فضائية «صدى البلد» تقديم الإعلامي أحمد موسى: «أنا واثق إن وزير التنمية المحلية لم يقصد الإهانة، ودي هفوة، والمفروض إنه لسة في البداية، ومش لازم نحمل الأمور أكتر من حجمها، ولازم يطلع يعتذر للصعايدة، علشان إحنا زعلنا وحش بصراحة».
وأضاف: «مصدقتش من ساعة ما شوفت التصريح من الصبح، وهو محدش بييجي غير من الصعيد، في ناس جايين من السودان، وهذه التصريحات ملهاش أي معنى، والوزير لازم يعتذر؛ علشان ننتهي من الموضوع ده».
