القرموطي: «إحنا في حالة ضنك وبنستحمل عشان البلد»
سخر الإعلامي جابر القرموطي، من تصريحات أحد المسئولين بالجهاز المركزي للتعبئة العامة والإحصاء، والتي قال فيها، إن 322 جنيها تكفي المواطن شهريا.
وقال القرموطي، خلال برنامجه ما نشيت، على قناة «العاصمة الجديدة»: «اللي انت بتقوله ده يشيب الشعور الناس ساكتة متطلعش انت تخلي الناس تصرخ.. يعني كل يوم هصرف 10 جنيه أكل وشرب في وقت وصل فيه سعر ساندويتش الفول 3 جنيه».
وتابع: «متتكلموش اسكتوا بقى عشان الناس اتخنقت مينفعش يا فندم احنا عايشين عشان بنحب البد دي بس»، وأخرج 322 جنيها على الهواء وقال: «دول يكفوني؟ حرام إنت متعرفش تعيش في الأسبوع بـ322 جنيها إحنا بنستحمل عشان بلدنا إحنا في حالة ضنك».
