خالد البلشى نافيا خبر ضبطه وإحضاره: «أنا حر»
نفى خالد البلشى، رئيس لجنة الحريات بنقابة الصحفيين، خبر ضبطه وإحضاره، على خلفية اتهامه بالتحريض على التظاهر، وقلب نظام الحكم.
وعلق البشلى على صفحته بـ«فيس بوك» قائلًا: «فيه ناس كتييير عاملين لي منشن إن طلع لي ضبط وإحضار جديد إمبارح، وبيطالبوني اختفي لأن فيه قوة هتيجي تقبض عليا النهاردة، أولا أنا باشكر كل الخايفين والقلقانين ربنا يخليكم ليا يا رب.. ثانيا لغاية دلوقتي أنا ما أتأكدتش من صدور القرار ولو أنه متوقع عادي يعني».
وتابع قائلًا: «إنه في كل الأحوال أنا مش هاختفي، وهافضل موجود ما بين البيت والشغل والنقابة، وبكره هاخلى محامين يروحوا يتأكدوا من القرار وإيه النيابة اللي أصدرته، ويقدموا طلب للنائب العام للتأكد من القرار، وفي حالة تأكدهم أنا هامثل للتحقيق، اللي يعملوه يعملوه الصراحة بقى».
