كنزك الحقيقي جواك
دايمًا بسمع كتير من الشباب يقول لك أنا ضاع من عمري كتير ولسه ماوصلتش لأي نجاح في حياتي!!
حبيبي أنت سنك قد أيه علشان تقول كدة؟!.. يمكن علشان اختلاف المفهوم الخاص بالنجاح عند كل واحد عن التاني، فيه إللي شايف أن النجاح يعني شركة كبيرة جدًا ودخلي في الشهر برقم وجنبه 6 أصفار على الأقل، وفيه إللي يشوف النجاح أنه عبارة عن كتاب ينزل في المكتبات ويبقى الأكثر مبيعًا best selling، مع أن دايمًا النجاح ممكن يكون حاجات تانية كتير.
⟪دكتور أشرف حمدي⟫ كثير من إللي بيحبوا الكرتون والكاريكاتير سواء كان مشاهدا أو حد نفسه يتعلم الفن ده فأكيد بيتابعه.
دكتور أشرف بالرغم من أنه دكتور أسنان، ده المفروض يحصل على دكتوراه في رسم الابتسامة.
ببساطة من كتر ما الراجل مقتنع أن الرسم إللي هي موهبته إللي ربنا إداها له، هتكون هي السبب الرئيسي في نجاحه، بقى صاحب قناة إيجبتون - Egyptoon - إللي تعتبر من أشهر القنوات على اليوتيوب على مستوى مصر، علشان محتواها إللي يعتبر متميز وليها جمهورها إللي بيحبها.
السؤال إللي بيطرح نفسه دلوقتي هو ليه ماتصدقش موهبتك وتقتنع أنها هي إللي هتكون سبب نجاحك في يوم من الأيام؟؟
⟪دكتور أشرف حمدي⟫ كثير من إللي بيحبوا الكرتون والكاريكاتير سواء كان مشاهدا أو حد نفسه يتعلم الفن ده فأكيد بيتابعه.
دكتور أشرف بالرغم من أنه دكتور أسنان، ده المفروض يحصل على دكتوراه في رسم الابتسامة.
ببساطة من كتر ما الراجل مقتنع أن الرسم إللي هي موهبته إللي ربنا إداها له، هتكون هي السبب الرئيسي في نجاحه، بقى صاحب قناة إيجبتون - Egyptoon - إللي تعتبر من أشهر القنوات على اليوتيوب على مستوى مصر، علشان محتواها إللي يعتبر متميز وليها جمهورها إللي بيحبها.
السؤال إللي بيطرح نفسه دلوقتي هو ليه ماتصدقش موهبتك وتقتنع أنها هي إللي هتكون سبب نجاحك في يوم من الأيام؟؟
نجيب محفوظ أول قصة كتبها في حياته كان خلاص داخل على سن الأربعين، ولكن بسبب أنه صادق مع موهبته بقى نجيب محفوظ، صاحب الأعمال الأدبية إللي بتترجم لأكتر من لغة، وإللي حصل على جائزة نوبل في الآداب عام 1988، وأمثلة كتير أوي لما صدقت حلمها وصلت له ونجحت في حياتها.
علشان كدة امشِ دايمًا ورا حلمك وموهبتك هتكون هي السبب الأساسي فعلًا في نجاحك.
