«الزلزال» يشعل «فيس بوك وتويتر» بالسخرية.. عمرو: «ده زلزال بجد ولا بتاع صافيناز».. محمود: «أقطع دراعي إن الزلزال ده تدبير حكومي» أيمن: «العالم كله حس بالزل

موجة من التعليقات الساخرة اجتاحت مواقع التواصل الاجتماعي «فيس بوك وتويتر»، بعد الزلزال الذي تعرضت له عدد من محافظات مصر، منذ قليل.

على تركي كتب على صفحته: «هو كل زلزال يحصل لازم أحس بيه.. نفسي يفوتني زلزال»، فيما كتب عبد الباسط عياش: «اوعوا تفتكروا أن الزلزال أثر عليا، أبسليوتلي أنا اللي أثرت ع الزلزال».

وكتب إسلام: «تاني زلزال أحس بيه في حياتي بعد زلزال 92.. لقد هرمنا»، فيما علق عبد الرحمن أيمن: «حر رهيب وعاصفة ترابية شديدة وزلزال.. غضب من عند ربنا وكمان في رمضان.. دا إحنا حنولع قريب من اللي بنعمله في بعض وفي نفسينا!».

وعلق هاني يوسف قائلًا: «إنتو مالكو فرحانين أوى بالزلزال كده ليه يخرب بيتكم.. ناقص تاخدوا سيلفي الزلزال». فيما علق عمرو سمير قائلًا: « ولما قالوا ده زلزاااااال.. زلزاااااااال.. قولت خير.. خير.. هي صافينار جت ولا ايه ؟؟!!».

أما محمود الطوخي، فعلق ساخرًا: «موجة شديدة الحرارة.. وعاصفة ترابية شديدة.. وزلزال كمان.. أقطع دراعي إن ده تدبير حكومي عشان تخلى الناس ما تنزلش تتظاهر في 30 يونيو».

وعلق أحمد محمود: «البيت بيرقص، مين حاسس بهزة أرضية، بطلوا كلام عن الشواذ والمثليين هتفقرونا»، فيما قال محمد أحمد: «يانهار أسود انا كنت فاكر البيت بيقع».

وعلقت غادة على قائلة: «زلزال في القاهرة وشعر به الكثير، كفايه مثليين بقى حيتخسف بينا الأرض يخرب بيوتكم».

وسخر كريم قائلا: «ايه ده حسيت بالزلزال؟، اهو ده برضو سؤال عجيب (بصوت عمرو عبد الجليل)»، بينما علق أيمن يوسف قائلًا: «كل دول العالم تقريبًا ضربها زلزال ماعدا المنوفية.. كده الرسالة وصلت»!