من المعزول لـ «السيسي» هناك فرق!
بعض من مؤيدي الإخوان يتساءلون.. لماذا لم تجدوا المبررات لمرسي عندما رفع الجمارك ورفع الأسعار، لماذا هاجمتم الرجل واتهمتموه بالفشل ولم تدعموه كما تدعمون السيسي الآن؟.
حقيقي سؤال منطقي ويستحق الرد.
1- السبب الأول أن مرسي وعد الشعب بأنه هيقلبها جنة في 100 يوم وطرح برنامج النهضة ووعد الشعب وعودا انتخابية كثيرة رفع به توقعات الشعب بأنه هيعمل طفرة في وقت غير مسبوق.. ومع الأسف طلع كذاب ومعملش حاجة والوضع ازداد سوءا.
أما السيسي فكان صريحا من اليوم الأول وقال الوضع زي الزفت وأنه معوش عصايا سحرية وأن الشعب لو أختاره هيتعب وهيشتغل وهيعاني على الأقل سنتين.
2- مرسي في عز الأرمة الاقتصادية كان بيرفض الاعتراف بأن في أزمة أصلًا.. فاكرين لما قال "الذين يقولون أن مصر ستفلس هم المفلسون"..و لما قال" واللي بيقول مصر هتوقع كت وقع في ركبكم"...فاكرين العك ده؟!!! ده كان عايش في عالم تاني يرفض الاعتراف بالوضع.
أما السيسي فهو معترف بالأزمة وبيواجها صراحة قدام الشعب كله بمنتهي الشفافية والمصداقية..
3- مرسي مكنش مشغول بوضع مصر ولكنه كان مشغول بالأخونة والعمل لصالح جماعته وبس...كان شغال على إعلانات دستورية وصراعات مع القضاء والجيش والمحكمة الدستورية والإعلام وفي كل حتة بيحارب ما عدا الاقتصاد....ده حتى الوزارة مكنش فيها وزراء لهم خلفية اقتصادية أصلًا... ورئيس الوزراء نفسه معندوش فكرة عن الاقتصاد...كل ميزته بس أنه بدقن !!
ولكن السيسي كل يوم تقريبًا بيطلع قرارا اقتصاديا جديدا.. مش بيعمل حاجة غير إنه يحسن وضع الاقتصاد والوزراء شغالين من 7 الصبح...يمكن الناس مش فاهمة القرارات ولسة مش حاسة بيها ولكنهم حاسين أنه شغال ومهتم بيهم ومصدقين أنه بيعمل لوطنه مش لجماعته.
4- في ناس ربنا بيحط فيها قبول وحب عباده، ممكن الشعب يقبل قرار سيئ من شخص معين ويستحمله ويبقي على قلبه زي العسل وممكن نفس القرار ميقبلوش ولا يستحمله من شخص تاني.
