نشوى مصطفى تتدخل للصلح بين مها أحمد والسقا وكرارة
علقت الفنانة نشوى مصطفى على الخلاف الذي حدث بين الفنانة مها أحمد والفنان أحمد السقا وأمير كرارة، وقالت إن الصلح بين الأطراف هو الحل الأنسب لتلك المشكلة الجارية.
وكتبت نشوى في منشور عبر حسابها الرسمي بموقع التواصل الاجتماعي “فيس بوك” قائلة: “يارب وحياة حبيبك النبى يتصالحوا ويتصافوا، كلهم طيبين وولاد أصول وفرسان بنبل أخلاقهم هيسامحوا لأنهم عارفين الظروف وأكيد مقدرينها”.
وتابعت نشوى مصطفى: “الحياة مش مستاهلة خناق وبتخلص فى ثانية وادينا شايفين، والناس اللي بتنفخ في النار من تحت لتحت هاقول لهم من فضلكم اغلبوا شياطينكم وخلينا نسعى في الخير”.
واختتمت نشوى مصطفى منشوررها قائلةً: “إحنا عيلة واحدة واللي غلط أكيد ميقصدش، إلتمس لاخيك ألف عذر.. يارب بحق الأيام الطيبة تمدهم بالمحبة وتنور قلوبهم وتبعد عنهم الشيطان”.
كانت الفنانة مها أحمد أثارت الجدل بعد تصريحاتها النارية التي كتبتها عبر حسابها بموقع التواصل الاجتماعي فيس بوك، وقالت: "عوضي على الله دي الجملة اللي دايما بقولها، لما تتصدم في أشخاص، الحكاية يا سادة عن نجمين عملوا مسلسل واتنجمت عليهم بنوتة لسه ألف باء تمثيل وادتهم على قفاهم".
تابعت: "ركبت عليهم إلى أن أصبحت بطلة المسلسل وبطلة الدعاية وهما راضيين رغم إن طول عمرهم ما بيعملوش كده مع أى زميلة لهم أقربها أنا".
أضافت: "النجم الأولاني بيني وبينه عيش وملح وزمالة رشحت في مسلسل بطولته وكان بيقنعني بدور، ولما وافقت بعتولي دور تاني ما عرفوش دور، ما تعملوش واحده مبتدئة المفروض إنه عارف قيمتي الفنية".
تابعت مها: "لكنه اتهرب مني وما وقفش جنبي وباعني رغم إن الكل عارف إني زي أخته (ندل) أما التاني كان في بداياته يتمنى يسلم عليا ويقول لي يا أستاذة نزلت من نفسي، وقلت له مش هنشتغل مع بعض ما هي الحوجة مرة".
أضافت: "رد وقال لي الدور بينادي صاحبه، طبعا محكلكوش قد إيه ندمت نفسي وعشت أسود أيام حياتي عياط واكتئاب وقلت (عوضي عليك يا رب).
استكملت: "تمر الأيام والاتنين يعلوا ويتجمعوا مع بعض في مسلسل واحد (على عينهم طبعا) ويمثلوا وحش قوي تمثيل الكفار وطلعوا كمان ما بيقروش اللي بيمثلوه وربنا يركب عليهم بنوتة سنة أولى تمثيل وخبرة ويتحول المسلسل والدعاية كاملة لصالحها وهما (مخدماتية للأستاذة)".
وأضافت: "يمهل ولا يهمل ابدأوا من جديد يا أوفر تمثيل يا اللي ما بتقروش يا كومبارس جنب النجمة، نصيحة بلاش تتشطروا على اللي كان بينكم وبينهم عيش وملح بلاش تتشطروا على أساتذتكوا (عوضنا على الله) يا رب ما تحوجنا لحد حتى ولو كان أقرب الناس لينا.
