عمر كمال يرد على السخرية منه: فخور بشكلي ونفسي
خرج الفنان عمر كمال، للرد على حملات السخرية التي شنّها البعض على مواقع التواصل الاجتماعي، بسبب تداول بعض الصور القديمة له، وبالتحديد أثناء فترة التجنيد.
فيما أعاد عمر نشر الصور عبر حسابه على موقع التواصل الإجتماعي "فيس بوك"، وعلّق كاتبا: "البوستات اللى فاتت لاحظت إن فيه حملة كده في الكومنتات ناس داخلة ضحك واستهزاء عليا بسبب الصورة ديه.. أنا طبعا مش زعلان ولا مضايق خالص بس مش فاهم إيه السبب.. ديه صورتى من ١١ سنة وأنا في الجيش.. شاب زي أي شاب اتبهدل وشقى في جيشه وخدم في الجبل وكان سلاحى اللى خدمت فيه صعب شوية".
وأضاف : "وقامت الثورة وأنا في الجيش ونزلت الشوارع تأمين وحماية والحمد لله خرجت من الجيش وخدمت بلدى واتشرف إنى لبست المموه.. فا أنا مكنتش مرفه ولا كان معايا واسطة تنقلنى حتة كويسة ارتاح فيها وانزل أجازات ولا كان فيه بابا وماما يبعتولى مصاريف ويقفوا معايا أنا كنت شايل نفسى.. فخور بنفسى وبشكلى وبحياتى اللى وقفت فيها لوحدى مفيش معايا غير ربنا".
يذكر أن آخر أعمال عمر كمال كان مهرجان "شيكولاتة سايحة جوة كيك" وجمعته مع حسن شاكوش بعدما قدما سويا مهرجان "عود البطل" و"بنت الجيران" اللذين لقيا نجاحا كبيرا.
