«المعلم هريدي» لوزير التموين: كداب يا خيشة كداب قوي!
المعلم هريدي كان قاعد يتفرج على التليفزيون ولسوء حظه شاف وزير التموين وهو بيفتتح مشروع مخابز وكان بيتفاوض على منظومة الخبز الجديدة وفجأة قعد يغني زي عبدالحليم حافظ: ماسك الرغيف بأيديا.. وف عز الكلام.. كلت الرغيف حاف.. من غير غموس.. من حلاوته..
المعلم هريدي اتغاظ لما شاف الرغيف أبوشلن لأنه كان طبق الأصل من الرغيف أبو نص جنيه.. مفرود وكبير ومدور وزي الفل.. هريدي ضرب كفا بكف وأخذ يغني مادحا الوزير: كداب يا خيشة كداب قوي.. أنا كنت فاكرك فهلوي.
