نشطاء «تويتر» يحتفلون بزواج «أديب» ومروة على طريقتهم: «ربنا يستر وميقلهاش بهدوووء.. لسه فيك نفس تتجوز؟.. الدهن في العتاقي.. من حق العجوز يدلع.. عبودة كان أرحم يا مروة.. باسم ي
احتفل عدد كبير من نشطاء موقع «تويتر» من زواج الإعلامي عماد الدين أديب، من الفنانة مروة، والذي أقيم، أمس الجمعة، الموافق عيد الحب "الفالنتين"، واعتبر الكثيرون أن ذلك نوع من الجنون، فيما أشاد آخرون بجرأة أديب، وإعلانه الزواج من مروة في ذلك التوقيت، ورصدت "فيتو" عددًا من تغريدات النشطاء حول الأمر..
نورا: "مروة حسين تتجوز عماد أديب ؟؟ ليه كده يا مروة؟! ده عبودة كان أهون يا ماما".
مصطفى: "الواحد الأمل عنده زاد بدرجة غير طبيعية بعد ما عماد أديب اتجوز آه والله".
مارتينا: "الأستاذ عماد أديب، نحب نقولك ألف مبروك.. وبنطلب من باسم يوسف إنه يجيبلك بطاطين النمر من التوحيد والنور مشاركة في الجهاز".
بسمة: "هو عماد أديب لسه فيه نفس يتجوز.. ولا هو بيتعامل مع نفسه على أساس "الدهن في العتاقي".
محمد العسال: "أنا شوفت عماد الدين أديب النهاردة في الفورسيزون نايل بلازا كنت هقله صبحية مباركة يا عريس بس مكنش معايا نقطة".
محمد إمام: "من حق العجوز يتدلع".
حسن: "يا عماد يا أديب ارقص بهدووووووء".
حسان: "ناس بترقص بعد سن الـ 60 وناس بتموت مكملتش الـ20".
محمود: "ربنا يستر وميقلهاش بهدوووء.. أحسن تفضحه"
دينا: "عنده 59 سنة ولسه بيتجوز وشباب 24 و25 مش لاقي شغلانة عشان يعرف يكون نفسه عن عماد أديب أتحدث".
محمد العربي: "واحد كبير اتجوز بنت كتكوتة صغيرة أنت مالك والعكس وحدة حبت واحد أصغر منها أنت مال أهلك يا سلام لو كل واحد يخلى في حاله".
سارة: "شابوه لييييك أنت راجل محترم ومتسق مع نفسك.. ويا ريت اللي بيتريقوا عليك يبقى عندهم الشجاعة يعملوا زيك في العلن اللي بيعملوه في السر".
أيمن عبداللطيف: "بصراحة أنا شايف إن عماد أديب - بغض النظر عن اختلافي أو اتفاقي معاه- الناس مزودة التهريج عليه بقرف قوي، فيها إيه لما واحد يتجوز ويفرح..!!".
آلاء: "انتوا بتتريقوا على عماد أديب ليه؟ على الأقل هو عرف يبسط نفسه ويسعدها عارف يعيش حياته مش شويه أيام وبيقضيها الدور والباقى عاللى قاعد يتريق".
