صفحة منسوبة لـ"لداخلية": "مابنتعاملش برصاص حي في فض الشغب"

نشرت صفحة "الجهاز الإعلامي لوزارة الداخلية"، إحدى الصفحات المنسوبة لوزارة الداخلية على "فيس بوك"، صورة سيد وزة، عضو حركة 6 إبريل، الذي استشهد خلال أحداث أمس.

وقالت الصفحة: "الشاب ده مات امبارح في تظاهرات.. الصورة دي اتخدت ليه وهو بيصلي الضهر.. بعدها بكام ساعة اتقتل.. الثوار والإخوان بيقولوا إن الداخلية هي اللي قتلته.. لكن في الحقيقة احنا ما بنتعاملش برصاص حي في فض الشغب!!".

تابعت: "والسؤال هنا.. هو مش غريبة شوية إن كل واحد من الشباب دي بيتقتل بيكون حد مصوره قبلها أو في لحظتها ؟! غير كده الرصاص اللي بيتضربوا بيه مش رصاص ميري.. امتى هيفهموا أن مش احنا اللي بنقتلهم.. وإن في حد عمال يدبح فينا احنا ال 2 عشان هدف ما.. وهو فتنة ما تنتهيش تدمر مصر".

وأضافت:"الواحد مش هيقول غير حسبنا الله في كل واحد بيستغلكم عشان يتاجر بيكم وبدمكم، وفي الاخر قيادتهم كلها متهنيه وهربانه وعايشه احسن عيشه في فنادق 7 نجوم في قطر وأمريكا وبريطانيا، وغيرهم بقى عنده عربيات آخر موديل وحسابات في البنوك"..الله يرحمك ويرحم زمايلك وزمايلنا".