قلب المرمر
يا شباب مصر الحياة مش بس أسود
الحياه ألوان كتير فيها أبيض زى قلبك فيها أخضر كله خير
بس غطى الحزن حبه وانسى فيه كله بضمير
هيّه دنيا واحنا فيها كل واحد خط سير
إنتى يازهرة ربيعك ليه خدودك ليه بتدبل والدموع
شقّت طريقها بكره جاى الجاى أجمل بس قومى وامسحيها واكسرى ليلك بمجدل من ضفايرك مدى جسرك واصرخى في الحلم يطول
وانت ياابنى ياللى صوتك كان بيتغناه بلابل
إنت فاكر لما تسكت يوم هتطرح لك سنابل
للأسف حتكون هذيله م اللى رافض واللى قابل قوم ولملم جرحك انتا إسقى في الورد اللى ذابل
الحياه مش بس بكره لأ ده مستقبل جديد
إحنا نغرس فيها شجره واللى جاى يغرس جديد
ألف شجره في وسط صحرا تبقى بستان كله عيد
واما يكبر إبنى وابنك ويشوفونا بألف إيد حيقولولنا إزاى بقينا بنكسر الصخر العنيد
