اعرف مستقبل طفلك السياسى من مكانه فى الفصل

وضع شباب صفحة "افتكاسات مصرى أم الأجنبى" على موقع فيس بوك خريطة لمستقبل الأطفال وفقا لسلوكهم فى الفصل، وموقع جلوسهم، الخريطة لاقت استحسان الكثير من الشباب، إلا أن البعض أبدى اعتراضه، "فيتو كافيه" رصدت تعليقات الشباب..
افتكاسات مصرى أم الأجنبى: العيال اللى كانت بتقعد فى أول ديسك، وبيتصاحبوا على المدرسين، وبيفتنوا على أصحابهم؛ غالبًا لما بيكبروا بيبقوا إخوان..!
والعيال الغلسة، عديمة الموهبة الفاشلة، اللى نفسهم يبقوا حاجة بالعافية، ودايماً دايماً فاشلين حتى فى الثانوية؛ غالبًا لما بيكبروا بيبقوا ظباط.
والعيال الفافى اللى كانت بتجيب معاها حلويات وشيكولاتات مستوردة، والمقلمة أم تلت أدوار، ومش بيشربوا حد من زمزميتهم؛ غالباً لما بيكبروا بيبقوا فلول.
أما بقى العيال الحلوة اللى كانت بتقعد معاك ورا والضحك يجيب آخر الفصل، ويقشروا برتقال ويقزقزوا لب وسودانى ويقلبوا ريحة الفصل؛ أكيد لما بيكبروا يبقوا .. الباقى اللى هما احنا الثوار.
سمر على: العيال اللى بتقعد ورا مبتسمعش الشرح وتغلوش فى الحصة وملهمش غير فى الهيافة وبيهيصوا مع الهيصة = النخبة
عبير حمزة: هى مش قاعدة بدليل أن أحمد شفيق دخل الطيران ولو سمعته بيتكلم تقول الحمدلله الذى عفانا مما ابتلى به غيرنا.
البيرو صاصا: طيب واللى كان بيقف جنب الباب من بره (مطرود) دول الثوار.