نشطاء الإخوان و«6 إبريل» يرسمون خطة للاعتصام بالتحرير.. محمد: 3 ثغرات أولها المترو.. أبو أسعد: ارفعوا صور السيسي وانتظروا ساعة الصفر.. أمجد: نبقى مليون ونهجم مرة واحدة.. أمين: ندخل الميدان ب
في محاولة لدخول ميدان التحرير والاعتصام فيه، دشن مجموعة من نشطاء جماعة الإخوان ونشطاء حركة 6 إبريل هاشتاج "إزاى ندخل التحرير" لطرح أفكارهم والحشد لدخول ميدان التحرير.. البعض رجح اقتحام المترو لدخول الميدان، في حين طالب بعضهم بالحشد في المحافظات لنزول الميدان بكثرة.
محمد عادل: "إزاى ندخل التحرير ده هاشتاج في تويتر لو تفيدنا ياريت بدل الهزار إلى هيودينا في داهية.. عموما فيه 3 ثغرات.. أول ثغرة هي المترو حتي لو كان مقفول".. أما أبو أسعد المصري فقال: "ارفعوا صور السيسي وانتو داخلين وانتظروا ساعة الصفر لازم الواحد يلبس أقذر جزمة عشان يعدي من الوحل وبعدين يرميها".
أمجد المهدي قدم اقترحا قائلا: "نبقي أعداد كبيرة مليون أو أكتر مثلا ونهجم مرة واحدة ونخش الميدان ونحاصر الجيش هناك لأن لو الأعداد قليلة هتبقي مجزرة، إزاى ندخل التحرير".. بينما قال sobad 30: "أنا من خارج القاهرة.. وقدرت آجى القاهرة من يوم الجمعة وأعرف ناس كتير من المحافظات وصلوا القاهرة.. مش هيقدروا يمنعونا".
وكتب علاء على: "أقسم بالله العظيم.. هو الله يمكر لنا ويمكر عليهم والانقلابيين حفروا قبورهم بأيديهم.. المهمة اتسهلت خالص.. بعد كل التضحيات والأخذ بالأسباب والتخطيط والعناء والاجتهاد الصادق من أحرار الشعب المصري.. الله يرزقكم هذه اللفتة من غباء الانقلابيين هدية لكم من السماء حفاظا على الأرواح والدماء بعد دعوة التليفزيون المصري لجموع الشعب المصري في ميدان التحرير للاحتفال".
وقال: "بص يابرنس هاترفع صورة السيسي بكل قوتك وتتفشخر بيها عالآخر قدام قوات الأمن والمدرعات والبلطجية (معلش تعالى على نفسك.. الحرب خدعة وعملناها قبل كده) لغاية ما تبقى في قلب الميدان بالظبط اللي فوق الجزيرة في نص التحرير وتحطها تحت رجلك وتصور نفسك وانت دايس على صورة الخائن اظن مفيش أسهل من كده نهائيا.. اقولك على حاجة احلى من كده.. كلنا عارفين أنه المؤيدين كلاب الانقلاب أجبن وأخوف من أنه يخرج من باب عمارته بكرة وأقولك على حاجة تانية".
وأضاف: "لو خايف أنه طيارات السيسي هاتطلع تصوركوا على انكوا مسيرات مؤيدة للسيسي.. ماتخافش يانجم.. انت اصلا واخد معاك صورة للسيسي أد كفة ايديك (إن شاء الله 6X4).. كارنيه كده تفرجه للعسكري اللي على الأرض عشان تعدي من الحواجز الأمنية بمنتهى السهولة والخداع.. واما تشوف الطيارة يا سيدي ابقى نزل الصورة واخفيها ومتخافش برضه يابرنس محضرين علم رابعة هايغطي ميدان التحرير بالكامل.. اضخم حجم علم في التاريخ.. برضه عشان الطيارات.. واستعد للاعتصام في التحرير يابرنس يا جماعة انا فرحان".
مصطفي أمين "احنا ندخل التحرير بضهرنا حيفتكرونا ماشيين ويسيبونا".. وقال يوسف الأودن "ارفعوا صورة نوال!! هتجذب الجنود واجذبوهم بقى لأى حتة بعيده عن الميدان! اقولكم اجذبوهم في أي ترعة".. أما مرام فقالت "ارفعوا صورتي! هيفهموا انكم عيال مقاطيع لسه بيقولوا إنها ثورة مش انقلاب وهيدخلوكم".
عمر حسن " لو حد من الجيش أو البلطجية وقفك، قوله الإخوان جماعة بنت تيت، وسب له الدين وطلع له صوت من مناخيرك، هيتأكد انك سيساوى وهيدخلك.. لو حضرتك ملتحى أو حضرتك منتقبة.. والجيش استوقفك قوله: انا حزب نور"
وقال هيثم دراوي "الانقلاب قاطع السكة الحديد بقاله 90 يوم علشان عزل المحافظات عن القاهرة.. لو قدروا ييجوا الحشد هايبقى عظيم وهاندخل الميدان.. نتجمع في 4 نقط كل المسيرات تصب فيها قصر النيل والقصر العيني ورمسيس وماسيبرو وندخل الميدان في نفس الوقت".
دعاء دودي قالت "تمرد عاملة حشد للميدان يبقى اكيد هيسمحوا بدخول مؤيدى السيسي ندخل احنا رافعين صوره لحد ما نسيطر ع الميدان ونولع فيها لما ندخل".. وقال شيمو "لازم تبقي خطة متكاملة الأركان حشد غير مسبوق محاصرة جميع الأماكن الحيوية عمل كردون شديد على مدرعات ودبابات الجيش وربنا يسهل"
