"شباب فيس مصر" تطرح 35 نصيحة لبدء يوم جديد جميل !

تحت عنوان "فكرة ليوم جميــل" طرح الناشط "ماندو الرفاعى" أحد أعضاء صفحة شباب فيس مصر على موقع التواصل الاجتماعى فيس بوك 35 نصيحة للشباب كى يبدءوا يوما جديدا جميلا.. حيث جاء البوست الدى طرحه ماندو على النحو التالى:

1. نام كويس جدًا
2. اظبط المنبه وقوم صلى الفجر وردد أذكار الصباح
3. أول حد تشوفو من عيلتك قوله كلمة حلوة تخليه يبتسم
4. كوباية قهوة مع شيكولاتة بتحبها
5. متستناش حاجة من أي حد
6. بلاش تركز مع أي حاجة ممكن تضايقك "كبر دماغك"
7. افتح موبايك واكتب " Nice Day "
8. استغفر 1000 مرة
9. لو أي حد محتاج منك مساعدة ساعده حتى لو متعرفوش
10. البس أكتر حاجة بتحبها فـ لبسك وأنت خارج
11. اتفرج على فيديو بيضحكك
12. اتصل بحد مكلمتوش من زمان وقل له "وحشتنى" ^^
13. اتفرج على صورك وأنت صغير
14. حاول تنجز أي حاجة فـ يومك مهما كانت تافهة
15. حافظ على الصلوات الخمس فـى مواعيدها بالظبط
16. ازرع وردة فىـ بلكونة أوضتك
17. حب نفسك وقول لنفسك "أنا بحبنى"
18. اسمع قرآن نص ساعة
19. امسك ورقة وقلم وارسم أي حاجة حتى لو شخبطة "خرج إحساسك"
20. أي حد تعرفه روح سلم عليه وابتسم أول ما تشوفه
21. خليك هادى ومرن ومتفائل
22. اشترى كتابا حتى لو مبتحبش القراءة واقرأ فيه لو صفحة
23. داوم على ذِكر الله طول اليوم
24. تصدق بـ"أي مبلغ، تصنع به بسمة على وش طفل، أو اتبرع بالدم"
25. متفكرش فـ أي حاجة بتزعلك، انسى كل حاجة ^^
26. لو حد زعلان منك كلمه وقل له أنا آسف "والكاظمين الغيظ والعافين عن الناس"
27. لو حد مزعلك سامحه من قلبك
28. حمام دافئ
29. ركعتين قيام ووتر "اوتر"
30. متنساش الناس من دعائك ولك المثل
31. وردَك من القرآن اقرأه فـ أي وقت بس اوعى تنساه " 10 آيات على الأقل"
32. متنساش تتوضى قبل ما تنام وتقول أذكار النوم
33. قبل ما تنام راجع يومك تانى ولو محستش بتغيير حاول تانى
34. متنساش تظبط المنبه لصلاة الفجر
35.ابدأ يوم جديد