تزوير توقيعات وطرد من الشقة، إسعاد يونس تكشف لحظات صعبة ليلة وفاة والدها (فيديو)
إسعاد يونس، قالت الفنانة إسعاد يونس: "سريري هو حبيبي وصديقي الوحيد حاليا، وأنا رفيقة نفسي تماما مع التليفزيون والألعاب اللى على التليفون، وبحاول أبعد إلا إني أرد على أولادي وأحفادي وأخواتي، في محاولة لإنقاذ اليوم من الشغب اللي بيخش عليه".
حياة أسرة إسعاد يونس قبل وفاة والدها
وأضافت خلال لقائها مع أنس بوخش على قناته على "يوتيوب": "أبويا توفى وأنا عمري 14 سنة، هو مرض فترة قصيرة وإحنا كنا في الوقت ده مستورين مش أغنياء يعني عندنا سيارتين ودخل وشقة جميلة، وبندرس في مدارس أمريكاني".
معاناة والدة إسعاد يونس
وتابعت إسعاد يونس: "لما دخلنا مع أبويا المستشفى كان معانا فلوس ولما خرج بعد وفاته كل اللي كان معانا 11 قرش بس، وقتها فيه ستات كتير أوي قرروا يقاطعوا ماما لإنها كانت ست حلوة أوي وصغيرة عندها 32 سنة فبقت خطر على الأزواج وهكذا تخيلوا الفترة دى بعد لما بقت أرملة".
وأضافت: "أمي ليلة وفاة أبويا قالت لي إحنا دلوقتي معانا 11 قرش وهنكمل الحياة زي ما كنا لحد لما نسوي المعاش، وانتي لازم تبقى عارفة أنا معايا كام بالظبط علشان الطلب يبقى في حدود المطلوب وأنا وانتي هنربي إخواتك، وابتدت الأمور تمشي كويس بحسن الإدارة وتعليمنا كلنا بإن كل شيء لطيف وجميل سواء أكلنا عيش ملح أو ديك رومي".
حرب مضادة لإسعاد يونس ووالدتها
وأكملت: "في اللحظات الأخيرة قبل وفاة بابا، أمي أخذتني معها مستشفى الطيران وقالت لي أبوكي بيموت قلت لها هنعمل إيه إحنا متقبلين اللي ربنا هيكتبه له وإحنا قد أي حاجة، وابتدت هنا الرحلة وفي الليلة دي حاجتنا اتباعت واتزورت توقيعات أبويا وأطلب من أمي إنها تسيب الشقة وتمشي علشان ياخدوها وكل ده كنا نتكلم فيه أنا وأمي ونقرر كيف ستكون الحرب المضادة والدفاع عن النفس ونجحنا في كل الأحوال".
ولفتت: "أبويا كان رجل حلو أوي وعلشان كده سميته قمر الزمان لإنه كان جميل وعلمني أقرأ وكونت مكتبة معاه فيها 3000 كتاب وكان مؤمن بيا إني بكتب كويس واخدني للمخرج يوسف مرزوق وخلاه يقرأ الورق بتاعي، وكان بيخليني أراسل الدكتور مصطفى محمود وأنيس منصور وأنا عندي 11 سنة".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
