نجوى فؤاد: ندمانة على مشاهد الإغراء والراقصات الروسيات والأوكرانيات عاملين زي فراخ الجمعية (فيديو)

نجوى فؤاد، قالت الفنانة والراقصة نجوى فؤاد: "بحب رقص لوسي ودينا أما فيفي عبده فلها كاريزما تخطف وتجذب بها أنظار الجمهور وهذه موهبة من عند ربنا، كل واحدة لها لون وطريقة".

نجوى فؤاد تصف الراقصات الأوكرانيات والروسيات بـ"فراخ الجمعية"

وأضافت خلال لقائها ببرنامج "شاي بالياسمين" المذاع على قناة "النهار": "الراقصات الروسيات والأوكرانيات عاملين زي فراخ الجمعية، بيتلووا جامد وشكلهم جميل وبيمرنوا نفسهم وبيصرفوا على بدلهم مع أنها بدل عارية وأنا ضدها بس رقصهم مش بيعجبني".

ملاحظة نجوى فؤاد على بدل الرقص الحالية

وتابعت: "بدل الرقص على أيامنا ما كانتش عارية أنا اللي عملت الغطاء والشبك وكان الأول بيحطوا شوية خرز ونجمة ومدير الرقابة يحيى حقي قلت العري شكل رخيص فوافق على شكل بدلة الرقص وكل الراقصات ألزموا به".

وأكملت نجوى فؤاد: "الراقصات دلوقتِ بيلبسوا بدل رقص مش محتشمة وأنا مش راضية عنها ومش حلوة، والدين بتاعنا ما بيقولش كدا ولا عاداتنا ولا تقاليدنا تقبل البدل بتاعت اليومين دول، العري ده شئ رخيص ما ينفعش يحصل".

ندم نجوى فؤاد على مشاهد الإغراء والرقص

وأكدت: "لو رجع بيا الزمن مش هلبس بدلة رقص ولا أشتغل الشغلانة دي، أنا كنت محتاجة الشغل لإني ما كناش معانا، بدليل كنت بشتغل بـ50 قرش في اليوم".
 

نجوى فؤاد تكشف تطورات حالتها الصحية: كنت لا حس ولا صوت

تطورات الحالة الصحية لـ نجوى فؤاد بعد تعرضها لوعكة مفاجئة

وتابعت: "لو رجع بيَّ الزمن مش هعمل شغل الإغراء اللي عملته، وبقيت أشوف في الأفراح بنات العائلات بيرقصوا بشكل فيه ابتذال وإغراء وحركات زي اللي بيرقصوا دلوقتِ".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.