ياسمين عبد العزيز تكشف سر إخفاء أبنائها عن الأضواء وموقفها من دخولهم التمثيل
ياسمين عبد العزيز، قالت الفنانة ياسمين عبد العزيز: "بنتي ياسمين صاحبتي بس ساعات بتفلت منها فأقولها فوقي أنا ماما أنا جيباها من تحت متعشيش، وعيالي جدعان وولاد بلد".
سر إبعاد ياسمين عبد العزيز لأبنائها عن الأضواء
أبناء ياسمين عبد العزيز، وتابعت خلال لقائها ببرنامج "صاحبة السعادة" الذي تقدمه الفنانة والإعلامية إسعاد يونس، "أنا مش عايزة ولادي يطلعوا للأضواء ومكرهاهم في الشهرة وضد إنهم يدخلوا عالم التمثيل".
معاناة ياسمين عبد العزيز في الصغر
وأضافت: "أنا عانيت جدا في طفولتي ولحد دلوقتي من الشغل للبيت وده مش حياة علشان كده أنا مش عايزاهم يعيشوا اللي أنا عشته وعايشاه".
فيلم يكرهه أبناء ياسمين عبد العزيز
ولفتت: "بنتي صاحبتي وداعم ليا علطول وعاقلة جدا، بتقولي آراء بتخضني، ولادي من وهما صغيرين مش متابعين شغلي وبيضايقوا أوي من فيلم الدادة دودي ومبيحبوش يتفرجوا عليه أبدا علشان العيال بيضربوني في الفيلم، وسيف عايز فيلم كوميدي أكشن وياسمين بنتي عايزاني أعمل فيلم رومانسي".
حياة ياسمين عبد العزيز
وأشارت: "أنا كنت شقية أوي وأنا صغيرة وباعمل بلاوي وممكن أضرب واحدة على دماغها وافتحهالها، وعلشان كده أنا بنتي مش هغصبها على حاجة لا في جواز ولا دخول كلية ولا أي حاجة اللي هي عايزاه تعمله".
أمنية ياسمين عبد العزيز التي تتمنى تحقيقها
ولفتت: "نفسي أرجع لحياة زمان لإن كان فيها براءة وحب وبركة في اليوم والناس والجيران بيسألوا عن بعض والدنيا فيها خير غير دلوقتي الأذى كتير وحياة السوشيال ميديا دمرت حياتنا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
