قطع عن شقتها الكهرباء، الراقصة هندية تكشف تفاصيل أزمتها مع مالك العقار التي تسكن فيه
كشفت الراقصة الاستعراضية هندية ، تفاصيل أزمتها مع مالك العقار الذي تسكن فيه، بعدما قام بقطع الكهرباء عن منزلها لمدة شهر حسبما أكدت.
أزمة الراقصة هندية
وقالت هندية في تصريح خاص لـ"فيتو" الكهرباء قاطعة عندي بقالها شهر؛ لأن صاحب البرج قطع الكابل عندي علشان يحطه في مكان تاني، وتواصلت مع الجهات المختصة والشرطة وبالفعل عملوا معاينة واتضح إني متضررة.
وأضافت هندية: "دي مش أول مرة يعملها معايا عملها قبل كدا من عشر سنين وقطع كابل الكهرباء عني بردو وأنا مش مديونة ولا عليا أي مديونيات.
سبب اعتزال الراقصة الاستعراضية هندية
ومن ناحية أخرى، كانت الفنانة والراقصة هندية، قد كشفت السبب وراء اعتزالها الفن، موضحة: "كان فيه قهوة بنقعد فيها أنا والزعيم عادل إمام والكاتب والمؤلف وحيد حامد والفنان صلاح السعدني، وفي مرة خلال تجمعنا سنة 1999 قلت أنا هاعتزل بعد وفاة أخويا الكبير".
وأضافت خلال لقائها ببرنامج "المنسي" المذاع على قناة "هي": "الأستاذ وحيد حامد لما قلت له: أنا هاعتزل، رد عليَّ، وقال لي: إنتي مجنونة ولا عبيطة حد يعمل اللى إنتي بتقوليه ده؟! فقلت له: معلش، أخويا مات قدام عيني، فقال لي: كلنا هنموت رديت عليها، وقلت له: مش قادرة خلاص".
صدمة هندية بعد وفاة شقيقها
وتابعت هندية: "صدمة وفاة أخويا كانت أكبر مني، وقلت: طيب ما انا ممكن أموت في لحظة أنا كمان، بعدها وحيد حامد كلمني، وقال لي: هندية إنزلي، وبلاش عبط، ورُحت فرح دينا الراقصة، وكنت حاطة إيشارب صغير، وعادل إمام وعمرو دياب، وكل فناني مصر وقتها استغربوا؛ إيه اللى انتي عملتيه ده، ومكنتش قادرة أبرر".
كيفت قضت هندية حياتها بعد اعتزال الفن؟
ولفتت: "معملتش حاجة خلال فترة اعتزالي، قعدت 13 سنة كان كلهم صلاة وعبادة وحج، وعملت 11 عمرة وتسبيح طول النهار، ومليت وقتي مع إخواتي وولادهم بقوا أصحابي جدا، وبعد لما اعتزلت ولاد إخواتي شبطانين عايزين يدخلوا الفن بإصرار من إخواتي فقلت لهم: ده انتو كنتوا رافضين الفن".
في وقت سابق، قالت الراقصة هندية: "أول يوم قلعت الحجاب بعد 11 سنة كنت حاسة إني عريانة، بس بعدها شفت إن الإيمان بالقلب مش بالطرحة، وقررت خلعه من أجل العودة للفن بعد فشلي في البيزنس".
قصة ارتداء هندية النقاب
وأضافت خلال لقائها ببرنامج "كلام الناس" المذاع على قناة "إم بي سي مصر": "لبست النقاب لمدة 3 سنين، وكان قصته إني لما كنت قاعدة في الجامع بصلى لقيت واحدة رمت لي كتاب صغير، وأول حاجة قرأتها لازم ألبس كفن، وقتها اترعبت فنزلت ولبست النقاب على طول خوفا من الحساب".
سبب خلع هندية النقاب
وأكملت بالقول: "بعد 3 سنين جالى حساسية صدر، ومكنتش قادرة أتنفس رحت لدكتور، فقال لى: إخلعي النقاب وأنا مسئول ".
ونقدم لكم من خلال موقع (فيتو)، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
