إيناس الدغيدي: علاقتي قوية بربنا وكنت بدعي أمام الكعبة بالشهرة والفلوس ومصرة أن الحجاب مش فرض

إيناس الدغيدي، قالت المخرجة إيناس الدغيدي: "تعرضت للتحرش الجنسي وكنت طفلة عمري 6 سنين ولاقيت واحد طلع ورايا في البيت وعمل نفسه أعمى على السلم وقال لي اكتبي لي جواب لأهلي وأنا بكتب الجواب لاقيته ورايا فرُحت ضارباه وطلع مش أعمى وقلت لماما القصة".

علاقة إيناس الدغيدي مع الله

وأضافت: "علاقتي قوية جدًّا بربنا وملموسة أوي في حياتي وكل يوم قبل ما أنام بشكر ربنا ودايمًا بقول اللهم إني أحبك فأحببني فيك أكثر فيك يا الله والدعاء دي بيخليني أبكي على طول لإني بكلم فيه ربنا، وأنا ما بسمعش لشيوخ خالص طول عمري ومش بعطي أي اهتمام لأي شيخ، والدي كان مدرس لغة عربية ودين وكان طول النهار بيكلمنا في الدين فأنا واخدة الدين ودارساه من أول يوم اتولدت في حياتي وكان أبويا رجل متفتح ومش مقفل".

حج وعمرة إيناس الدغيدي

وتابعت: "حجيت مرتين وعملت يجي 20 عمرة، وأول مرة رُحت الحج لما شوفت الحج جالي إحساس غريب إن ده بيت ربنا وجسمي قشعر بس بعد كده لما باروح بتبقى طقوس أكتر منها إحساس، ولما بكون عند الكعبة بدعي بالصحة وطولة العمر والشهرة والفلوس والمجد".

موقف إيناس الدغيدي من الحجاب

وأردفت ايناس الدغيدي: "مفيش أي فعل أنا ندمانة عليه بما فيهم الأفعال اللي ممكن تكون مش كويسة في نظر الناس مش هسحب تصريح الحجاب لإني لا أتمناه لنفسي ولا لغيره وأمي ماتت عندها 80 سنة مش محجبة وكانت متدينة وتعرف ربنا وأبويا كان رجل دين واحنا بنلبس ميني جيب وعمره ما قالنا اتحجبوا وكنا بنروح المدارس لابسين ميني جيب ومش مقتنعة أن الحجاب فرض، فيه فروض كتير علينا احنا ما بنعملهاش وأنا مش هعمل فيلم عن الحجاب".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.