ريتا حرب تكشف تفاصيل تعرضها للخيانة مرتين وطلاقها وموقفها من الزواج (فيديو)
ريتا حرب، قالت الفنانة وعارضة الأزياء اللبنانية ريتا حرب: "اتسرعت بزواجي المبكر، حسيت اني قطعت مراحل كان المفروض أعيشها ومعيشتهاش بسبب مسئولية الزواج".
تسرع ريتا حرب في الزواج
وأضافت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "كان لازم أعيش حياتي ومتسرعش في الزواج".
وظائف ريتا حرب
وتابعت ريتا حرب: "استثمرت مواهبي في التمثيل والإعلام وعروض الأزياء واستثمرت الموهبة بطريقة خفيفة وصح ومش غلط إن الإنسان إذا كان قادر يحمل أكتر من بطيخة في يديه، وكل شيء عملته حبيته سواء الإعلانات وعروض الأزياء أو الإعلام وحبيت التمثيل أكتر".
تعرض ريتا حرب للخيانة
وأكدت: "تعرضت للخيانة أكتر من مرتين وممكن اتخان كل يوم، وبرأيي أن الراجل خاين في المطلق يخون يا فكريا يا فعليا، لكن خونة عن خونة بتفرق يعني فيه خاين لبق وذكي وبيعرف يخفي خيانته وفيه خاين مفضوح".
خيانة الرجل في المطلق
وأوضحت: "أنا متجوزتش تاني بعد طلاقي لإن الرجل يخاف من المرأة القوية الناجحة اللي بتعرف تجيب فلوس ومحبوبة من الكل والمسيطرة علي حياتها، وكمان عندي بنتين وأمي عندنا بالبيت يعني فيه أسرة، ومش أي حد هيقدر يتحمل مسئولية اسرتنا".
سبب عدم زواج ريتا حرب
ولفت:"طليقي لما اتجوز ابتعد عن بناتي وانا شيلت موضوع الزواج من راسي لإنه مش هيضيف لي شئ وايضا مش عايزة ابتعد عن البنات، ولكن علي المدى البعيد هاكون محتاجة راجل سند ليا عاطفيا واتشارك معاه الأفكار ويبقى فيه اهتمام".
انفصال ريتا حرب
وأشارت:"تفكيري في الإنفصال كانت قبل وفاة والدي بس بما إني من الديانة المسيحية صعب كتير الطلاق ومحتاجة كتير مراحل وفيه تفاصيل في المحكمة الروحية، وباَخر سنة في حياة والدي قبل رحيله وافق علي انفصالي وسمح لي علي هذا القرار".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
