صلاح الشرنوبي يكشف عن مشكلته مع عمرو دياب ورأيه في ويجز (فيديو)
صلاح الشرنوبي، قال الموسيقار صلاح الشرنوبي: "يعجبني أغاني الراب كقالب غنائي ولكني أنتقد سلوكيات أصحابها من ناحية الكلام والثقافة".
ويجز ومروان بابلو ومشكلة المهرجانات
وأضاف خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "ويجز ومروان بابلو دول كويسين وبيمثلوا مصر كويس، ولكني أنا ضد المهرجانات لأنها خارج الذوق العام".
منهج تعاقب الأجيال
وتابع: "لست رافضا لمنهج تعاقب الأجيال ولكن أرفض الطريقة والسلوك المتدني، يمكن أحمد شيبة قوامه مختلف وكويس أما محمود الليثي عايز يهزر علشان أكل العيش والشغل، وبوسي فظيعة ومغنية جامدة جدا بس هي بتمشي في السكة علشان الشغل وحفلات اكتر، الأغاني الشعبية حلوة بس تكون طريقتها مناسبة".
تاريخ عمرو دياب
ولفت صلاح الشرنوبي: "لازم كنت اعمل تاريخ مع عمرو دياب وبيعرف يسوق نفسه صح وبيعمل الحاجات اللي تليق به ومعندهوش هفوات ومتميز وبيحدث نفسه علطول، انا قابلته اكتر من مرة حوالي 4 مرات ونفكر في مشاريع بس المشكلة انه سايق المسألة بطريقته والمشروع اللي بيننا مكملش، هو بيوجه أغانيه صح بدليل انه عايش لحد دلوقتي وعنده رؤى فنية، ولكن انا في فترة معينة تمنيت نشتغل مع بعض بس كان نفسي في قوالب مختلفة وكان نفسي اعمله حاجة شرنوبي اللي هي انا تميزت بها".
ولفت:"كنت عايز اعمله حاجات فيها قالب انا عايش ومش عايش، مش حابب اعمل الاغنية السريعة مع عمرو دياب، زي ما عملت مع راغب علامة وجورج وسوف".
أغنية عمرو دياب التي ذهبت لسميرة سعيد
وأشار:"أغنية ايه سهرني وايه حيرني، دي كانت اغنية عمرو دياب واخدتها واديتها لسميرة سعيد، المرة الوحيدة اللي يوصل المشروع للنهاية بس بعد لما اختارها حس انها مش متواكبة مع المجموعة اللي عملها وعلشان كده كان راكنها وعلشان كده راحت لسميرة سعيد".
وأكمل:"كنت عايز اعمل حاجة مختلفة لعمرو دياب عن اللي بيعمله، اغنية ايه سهرني وايه حيرني، لما تركها عمرو اديتها لسميرة ودي مش أول واقعة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
