فيفي عبده: بحب الحياة وقلت لولادي لما أموت يسيبوني يومين من غير دفن (فيديو)

فيفي عبده، قالت الفنانة والراقصة فيفي عبده: "بدعي ربنا بالعمر الطويل والبعد عن المرض، وبقوله والنبي يا رب خدني وأنا ماشية على رجليا محدش يشيلني".

خوف فيفي عبده من الموت ووصيتها لأبنائها

وأضافت خلال الجزء الثاني من لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "أنا بحب الحياة وقلت لولادي لما أموت سيبوني يومين برا من غير دفن علشان تتأكدوا إني مت فعلا لإن فيه ناس بتجيلهم غيبوبة سكر".

حياة فيفي عبده

وتابعت: "لازم أحب الحياة دلوقتي لإني مشوفتهاش طول عمري شقيانة مشوفتش حاجة وبجري وباشتغل وبس، يعني شرم الشيخ صورت فيها لكن مشوفتهاش دلوقتي بشوفها وبشوف كل حاجة حلوة في البلد".
 

فيفي عبده: معرفش فلوسي حرام ولا حلال وربنا استجاب لدعائي أمام الكعبة (فيديو)

رد صادم من فيفي عبده بعد سؤالها عن رأيها في احتراف حفيدتها للرقص (فيديو)

في نفس اللقاء، ردت الفنانة والراقصة فيفي عبده، على مقولة "فلوس الرقص حرام إزاي تحكمي وتعملي بيها عمرة"، قائلة: "أنا مبفهمش لا في الدين ولا في السياسة، واللي يفتي في الحلال والحرام الناس بتوع الدين ودلوقتي كل واحد عايز يعمل قاضي".

حكم الشرع في أموال الرقص 
 

وأضافت: "ربنا اللي يحكم الرقص حلال ولا لا، الرقص مهنة زي كل المهن وأنا بتعب وأشقى وبروح وربنا اللي يعلم بيا".
 

تعب فيفي عبده 
 

وتابعت فيفي عبده: "مكنتش أحب أبدا أقول لحد على سر الحج والعمرة اللي عملتها وأنا متجهة لربي سبحانه وتعالى من 37 سنة، وربنا هو اللي هيديني المكافأة مش العبد، ومش بعمل للعبد علشان يقولي حرام ولا حلال بس عايزة أقول كفاياكم بقى أنا زهقت من كلامكم كل شوية تقولوا الرقص حرام، مش أنا اللي اخترعت الرقص وكإن أنا اللي اخترعته مع الفراعنة الرقص ده فن ومحترم".

وأكملت: "محدش له باتجاهي مع ربنا وأول مرة أعمل عمرة كان من 37 سنة ومليش دعوة بالفلوس حرام ولا حلال، واللي يفتي فيها بتاع الدين، هو فيه حد بيقف قدام باب الجامع يقول ده يخش ولا ميدخلش".
وواصلت: "أنا ماشية بما يرضى الله ومبظلمش حد وإذا كنت اتجوزت ده حلال ربنا وعملت عمرة وحج زي أي مسلم، وأنا راضية ومرضية من جوايا جدا".
 

علامة الله لفيفي عبده أمام الكعبة
 

ولفتت: "مرة كنت بلف حوالين الكعبة والدنيا كانت زحمة موت فماشية في آخر الصف ناحية الأبواب لقيت نفسي بقول لربنا يا رب لو بتحبني وراضي عليا خليني أمسك الكعبة، وحياة رب العالمين والله العظيم كإن المكان اتفتح ليا علشان ألمس الكعبة وحسيت برضا من عند ربنا وقلت يا كريم يا رب".

رقص فيفي عبده مقابل المال
 

وأكدت: "ممكن أرقص قدام ناس مبحبهاش لو أنا محتاجة الفلوس ولكن لو مش محتاجة الفلوس واتعرض عليا مقابل مبلغ كبير إني أرقص قدام ناس مبحبهاش هارفض".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.