رد صادم من فيفي عبده بعد سؤالها عن رأيها في احتراف حفيدتها للرقص (فيديو)
![الفنانة فيفي عبده،](images/no.jpg)
فيفي عبده، قالت الفنانة والراقصة فيفي عبده:"لو حفيدتي شهد قالت لي أنا عايزة احترف الرقص هرفض وأقولها لا طبعا، لو أيامي كان الوضع مختلفا وكل الناس اللي قاعدة مهمين ولا يقولوا أي كلام".
موقف فيفي عبده من رقص حفيدتها
وأضافت خلال لقائها ببرنامج "حبر سري" الذي تقدمه الإعلامية اسما إبراهيم بقناة "القاهرة والناس":"مش ممكن اسمح لحفيدتي إنها ترقص، وبعدين هي اتعلمت ليه مينفعش تتعلم، وبعدين تروح ترقص، أنا لو كنت اتعلمت وعارفة أني هوصل لكدة مكنتش اشتغل رقاصة، وزمان أنا اتبهدلت في الشغل علشان أوصل للي وصلت له".
قيمة الرقص
وتابعت:"الرقص كان فن وليه قيمة عن دلوقتي، مينفعش نقارن اللي إحنا فيه دلوقتي بالرقص بتاع زمان، وعلشان كده منلقيش عندنا راقصة مصرية موجودة ومصر زمان كانت مليانة راقصات".
وأكملت فيفي عبده:"طول الوقت بيهاجموا الرقص الشرقي وبيحاولوا يسوقوا إنها شغلانة سيئة السمعة".
مستقبل حفيدة فيفي عبده
ولفتت:"حفيدتي شهد مش هترضى تكون راقصة وهي مثقفة ومتعلمة مش زيي أنا لما طلعت كنت خرجت من 3 ابتدائي وأخدت شهادة الحياة بعد مرار، وتعبت وطفحت الدم علشان ابقى فيفي عبده، نفسي أشوف شهد دبلوماسية وعروسة حلوة".
زواج الفنانات وظهور نجاة الصغيرة
وأوضحت:"مش عيب ولا حرام إن الفنانات يتجوزوا في سن كبيرة، فيه ناس بتبقى محتاجة الونس، وأنا سعيدة بظهور نجاة وأنها طلعت تغني طيب سيبتوها ليه 20 سنة مختفية ليه نسيتوها، وأنا لو مش في الميديا كان زماني منسية".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.