فيفي عبده: مينفعش راجل يلمسني من غير جواز والجواز العرفي فترة خطوبة (فيديو)
فيفي عبده، قالت الفنانة والراقصة فيفي عبده:"مقدرش أكون زوجة ثانية والرجالة هما اللي بيدوروا على، مش انا اللي بدور عليهم، وأوافق اتجوزه بس بشرط لو متجوز ميعرفنيش ولا يسمعني مشكلته معاها".
شرط فيفي عبده للزواج
وأضافت خلال لقائها ببرنامج "حبر سري" الذي تقدمه الإعلامية اسما إبراهيم:"انا عايزة الراجل اللي يتجوزني يبقى بتاعي وحبيبي وكل حاجة بالنسبة لي".
الزواج العرفي
وأكدت فيفي عبده:"ماينفعش راجل يلمسني من غير جواز، وبعتبر الجواز العرفي فترة خطوبة ، وباكتب الكتاب رسمي لما اعرف هو مين، وكل اللي اتجوزيني بحمد ربنا انهم محترمين ومفكرتش اتخلص من حد فيهم".
خيانة الأزواج
ولفتت:"الرجالة كلها بتخون والست بتبقى زي القمر وبتتخان منفهمش ليه وانا مش مع الخيانة ولكن انا بقول للست لو عرفتي ان جوزك بيخون طنشي حفاظا علي البيت وعلشان ميحصلش طلاق".
تعرض صباح للخيانة
وأشارت:"الفنانة الراحل صباح كانت مختلفة هي وزوجها وكانت مدمرة نفسيا بسبب خيانة زوجها ليها، وعلشان كده بقول الواحدة لازم تعمل نفسها مش عارفة وتطنش خيانة زوجها ليها".
في نفس اللقاء، قالت الفنانة فيفي عبده: "كله بيفلسع لازم أفكر في التربة أمال هافكر في الكباريه، فيه كل أسرة ناس فلسعت بعد كورونا وبيقولوا الكورونا رجعت تاني الأيام دي، أنا قعدت سنتين مشوفش حد خالص وأول خروجة خرجتها رجعت 39 درجة حرارتي".
معاناة فيفي عبده مع كورونا
وأضافت: "من ضمن الحاجات السودة اللي مريت بيها وأنا مقولتش لحد عنها، إني قعدت سنتين مشوفش حد فترة كورونا ولما خرجت من بيتنا رجعت حرارتي 39 قعدت نايمة 10 أيام لوحدي ومعزولة ولا كنت حاسة بسما ولا أرض، وقتها قلت هاروح التربة أو القبر بتاعي لإني مش عايزة أشوف حد وهربا من الكورونا، واللي ورقته تقع في الشجرا خلاص هنروح فين كلنا هنموت".
كفن فيفي عبده
وتابعت: "قلت للتربي أنا عايزة التربة بتاعتي زي الفل وأشوف أنا هنام فين وإزاي، وكفني كل سنة باشتريه من السعودية وأجيبه معايا".
وصية فيفي عبده
وأكدت: "مكتبتش وصية لحد دلوقتي وسيباها على الله وأولادي عندهم قناعة، والنهاردة بتفرج على الجنازات ومستغربة على حال الناس ورأيي إن اللي يموت يصرف لاَخر مليم في جيبه المهم صحتنا إحنا اللي بنجيب الفلوس ومش هنسيب صحتنا كده".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
