أمير كرارة يكشف عن قصة شبح طارده منذ 25 عاما في شارع المشرحة (فيديو)
أمير كرارة، قال الفنان أمير كرارة:"وانا صغير من حوالي 25 سنة فوجئت لقيت شبح ضربني علي راسي، كنت ماشي في الشارع ولقيت حاجة ضربتني علي راسي وبصيت حواليا ملتقش حد".
شارع الشبح
وأضاف خلال لقائه ببرنامج "حبر سري" الذي تقدمه اسما ابراهيم بقناة "القاهرة والناس":"الشارع اللي اتضربت فيه من الشبح كان فيه مشرحة، وكنا مسميينه زمان شارع الوحوش لأنه كان ضلمة علطول، ولما اتخبطت دخلت المستشفى واتعالجت وبعدها رجعنا نشوف قصة الشارع لقيناه مختلف المعالم لدرجة ان باب المستشفى فجأة لقينا عليه شجر وعنكبوت".
قصة غريبة لأمير كرارة
وتابع:"بداية الموضوع اني وانا ماشي في الشارع لقيت صوت رجل بتجري ورايا وكل لما ابص ملقيش حاجة، وفجأة جيت بصيت لقيت حاجة بتترفع وفي لحظة لقيتني بتضرب علي راسي ولحد النهاردة مش عارف ايه اللي حصل بالظبط".
في نفس اللقاء، قال الفنان أمير كرارة: "أنا من الناس اللي طول الـ24 ساعة بتفكر، بفكر في بكرة واللي جاي وهنعمل إيه في اللي فات، وعلشان كده عندي مشكلة في النوم وبكره النوم، مش بحب النوم وبنام علشان لازم أصحى".
معاناة أمير كرارة مع النوم
وأضاف: "أنا أخدت مرة واحدة في حياتي منوم ودخلت بعدها بشوية لقيت نفسي بنام، اتخضيت وجالي فزع فجريت على المستشفى ودخلت على الدكتور قاللي فيه إيه قلت باموت وقلبي هيقف وقلت أخدت حباية منوم فلقيت نفسي بنام، فقالي ما أنت لازم تنام قلت له لأ أنا أنام بمزاجي محدش ينيمني".
قلق أمير كرارة
وتابع: "اتخضيت من حبة منوم، أنا أقصى وقت بنام فيه 5 ساعات وباصحى بدري، أنا باكره النوم، مشكلتي أنا طول اليوم باصحى وعندي على طول أرق وقلق وتوتر".
خوف أمير كرارة من المستقبل
وأكمل أمير كرارة: "أنا قلقان علشان نفسي أفضل طول الوقت كل حاجة كويسة ومش عايز حاجة عملتها تضيع".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية
