أمير كرارة: أكره النوم ومش عايز الزمن يجري بيا وأنسى نفسي (فيديو)
أمير كرارة، قال الفنان أمير كرارة: "أنا من الناس اللي طول الـ24 ساعة بتفكر، بفكر في بكرة واللي جاي وهنعمل إيه في اللي فات، وعلشان كده عندي مشكلة في النوم وبكره النوم، مش بحب النوم وبنام علشان لازم أصحى".
معاناة أمير كرارة مع النوم
وأضاف خلال الجزء الثاني من لقائه ببرنامج "حبر سري" الذي تقدمه أسما إبراهيم بقناة "القاهرة والناس": "أنا أخدت مرة واحدة في حياتي منوم ودخلت بعدها بشوية لقيت نفسي بنام، اتخضيت وجالي فزع فجريت على المستشفى ودخلت على الدكتور قاللي فيه إيه قلت باموت وقلبي هيقف وقلت أخدت حباية منوم فلقيت نفسي بنام، فقالي ما أنت لازم تنام قلت له لأ أنا أنام بمزاجي محدش ينيمني".
قلق أمير كرارة
وتابع: "اتخضيت من حبة منوم، أنا أقصى وقت بنام فيه 5 ساعات وباصحى بدري، أنا باكره النوم، مشكلتي أنا طول اليوم باصحى وعندي على طول أرق وقلق وتوتر".
خوف أمير كرارة من المستقبل
وأكمل أمير كرارة: "أنا قلقان علشان نفسي أفضل طول الوقت كل حاجة كويسة ومش عايز حاجة عملتها تضيع".
صورة أمير كرارة بعد 20 سنة
وعلق أمير كرارة بعد عرض صورة تخيلية له بعد 20 سنة، قائلا: "مش عايز الزمن يجري بيا وأنسى نفسي علشان كده بفكر أقلل من الشغل شوية لإن الشغل الكتير بيتعب وفيه ممثلين ندموا على كده".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية
