السيسي يحذر من قلة المياه مع الزيادة السكانية

مؤتمر حكاية وطن، قال الدكتور هاني سويلم، وزير الري والموارد المائية، إن الدولة المصرية أنفقت 100 مليون دولار على تنفيذ مشروعات مائية بدول حوض النيل الفترة الماضية.

حجم مشروعات وزارة الري

ولفت خلال مؤتمر "حكاية وطن" إلى أن تكلفة تطوير المنشآت المائية خلال الـ9 سنوات الأخيرة وصلت إلى 12.3 مليار جنيه.
وأشار إلى إنشاء قناطر أسيوط الجديدة بقيمة 6.5 مليار جنيه، وإنشاء العديد من السحارات ومنها سحارة السرابيوم لنقل مياه النيل من تحت قناة السويس لتصل إلى سيناء بتكلفة مليار جنيه.
ولفت إلى أن انتهاء وزارة الري من 2353 مشروعا مائيا بقيمة 261 مليار جنيه خلال الـ9 سنوات الأخيرة.
وكشف وزير الري عن تدخل الدولة لحماية قلعة قايتباي من الغرق، حيث تم عمل ممرا لحماية القلعة وإعادتها لرونقها وجمالها.
ولفت إلى أنه تم الانتهاء من تأهيل ترع أطوال 7300 كيلو متر بتكلفة 35 مليار جنيه وجار تنفيذ 3100 كم بتكلفة 10 مليار جنيه وجار طرح 1500 كم بتكلفة 7 مليار جنيه، ضمن عملية التبطين والتطوير.

وأشار إلى أن المشروعات القومية لمعالجة بحر البقر ومحطة معالجة الضبعة ومشروع مستقبل مصر ومشروع توشكى ومشروع الحمام جنوب الضبعة ومشروع لمحسمة وصلت تكلفتها 170 مليار جنيه.
وأكد أن مشروع المتعلق بتطوير واحة سيوة وصل تكلفته 1.3 مليار جنيه، وخلال تم تصميم قناة مكشوفة بطول 33.70 كم ومحطة رفع مياه الصرف الزراعي وتدعيم وتعلية عدد من الجسور المحيطة ببركة سيوة وغلق 43 بئرا شديد الملوحة.
ولفت إلى إنشاء 368 عملا صناعيا لحماية الأهالي في محافظات الصعيد من مخاطر السيول، لتخزين 192 مليون متر بتكلفة بلغت 1.68 مليار جنيه والخطة لـ2024 عمل 69 عملا صناعيا آخر بتكلفة 4.6 مليار جنيه.

وتابع: "هناك مشروعات في البحر الأحمر وشمال وجنوب سيناء ومطروح للتعامل مع مخاطر السيول والاستفادة من مياه الأمطار من خلال أعمال صناعية لاستيعاب 158 مليون متر مكعب مياه بتكلفة بلغت 5 مليارات جنيه".
 

رسالة السيسي للمسئولين

وعلق الرئيس عبد الفتاح السيسي: "أقول للدكتور هاني؛ الـ3000 عمل خطير وخطير جدا يتعرضوا على لإنهائها في أقرب فرصة حتى لا يكون هناك خطرا على سواحلنا أو أهالينا".
ولفت: "الدكتور هاني سويلم كان بيعمل أستاذ جامعة في ألمانيا ولما قلت له تعالى اشتغل معانا وافق قلت تحمل ما سيحدث لك في مصر وأنا دلوقتي بشكرك، قدام الشعب المصري كله، وأنا عارف إن اللي بيشتغل في دول متقدمة مبيبقاش متعود إنه يرى أكاذيب وجهل أحيانا ولكن تحمل ده لإن دي بلدنا محتاجة إن إحنا نشتغل علشانها".

التغيطة الإعلامية لمشروعات الدولة

ولفت: "التسويق والتغطية الإعلامية للنشاط لأي مشروع أمر مهم جدا علشان الناس تعرفه، لإن الناس تفاجئ بأي شيء يتعمل، لازم نتكلم عن شغلنا رغم إن القنوات بتقدم طبيخ وأكل كل يوم، يا جماعة كل القنوات بتقدم طهي طيب يا سادة يا مسئولين اطلعوا قولوا شغلكم سواء كانت قناة خاصة أو تبع التليفزيون المصري، والناس لما تعرف مش هتهاجم لإنها عرفت".

وأشار: "2014 طابا حجم المشروعات اللي اتعملت لرفع الجسور والسدود لإن إحنا كان كل سنة كانت تيجي السيول تشيل طريق نقوم نصلحه بمليار جنيه وعلى ما نيجي نصلح الطريق تقوم السيول تشيله تاني، قمت قلتلهم اعملوا أسلوب علمي لمعالجة المشكلة اعملوه، طابا لوحدها خرجت قرية ضخمة فيها أكثر من 7 فنادق خمس نجوم خرجت من الخدمة لحد دلوقتي بسبب السيول، وعلشان كده لما قالولي نعمل مشروعات لمواجهة السيول بـ5 مليارات قلت تتعمل".
 

حشد الرأي العام 

وتابع: "حشد الرأي العام والمجتمع في قضية جد خطيرة، لما نيجي نقول مليون مواطن عايزين مليار متر مياه، في 2040 هتبقى وصلنا لـ150 مليون نسمة طيب الـ50 مليون محتاجين 50 مليار متر مياه هنجيبهم إزاي؟ أنا بقول للناس في مصر كل المشروعات اللي بتتعمل للمعالجة وصلنا للحد الأقصى واللي شايفينه في العاصمة الإدارية بتاعت محطة المعالجة الموجودة على طريق السخنة مش مياه صالحة خالص، لكن بنعملها معالجة علشان تبقى صالحة للزراعات والحدائق علشان نستفيد منها ويبقى فيه بهجة لينا".

تثبيت عدد السكان

وأكمل: "تثبيت عدد السكان يا دكتورة هالة السعيد لما انتي قولتيلي بتمني 1.6 نمو سكاني قلت لك إحنا عايزين 400 بس، النهاردة نقول الدولة المصرية بالعدد والنمو السكاني القائم والمستمر هيبقى محتاج حجم مياه قد اللي بيجيله دلوقتي طيب هيعمل إيه وإحنا عارفين إننا لو حابين نعمل محطات تحلية مياه شرب للمليون يكلفوني تريليون جنيه أرقام ضخمة جدا مش موجودة ومش هتبقى، إذن لما نيجي نكلم أهالينا اللي بيزرعوا استخدم المياه استخدام رشيد اللي عايز يعمل عمل يقرب بيه من ربنا يحرص عليه لإن المياه دي هتساهم في حياة الآخرين، الزيادة السكانية بعد خطير جدا في الاستقرار المواطن مش هيعرف ده إلا بعد 10 سنين إنه مش لاقي مياه، المياه غالية عليه لإن الدولة مش قادرة توفر فتبقى مصر اللي كانت بتوفر مياه شرب نقية من 50 سنة مش قادرة توفير مياه شرب نقية بعد 30 سنة تقوم الناس تتحرك لإن محدش يعرف طيب محدش يعرف ليه علشان إحنا مش بنتكلم كتير بنتكلم في المكاتب ومجلس الوزراء وحتى في الحوارات اللي بتتم بينا وبين بعضنا مش بتطلع للرأي العام، لازم الرأي العام يبقى فاهم وواعي لإن عدم وعيه آخره مش كويس".

خطر الانتحار بسبب قلة المياه مع الزيادة السكانية

وتابع: "لما جيت طرحت الخطة مع الدكتور مصطفى مدبولي ووزير الإسكان ووزير الري على إننا نعمل محطات معالجة ثنائية وثلاثية متطورة علشان كل المياه اللي بتطلع من الصرف الزراعي والصناعي والصحي نعالجها معالجة علشان نضيف مياه بمعالجة أخرى تبقى صالحة، مفيش حاجة تانية نقدر نعملها، علشان أعمل محطات مياه تطلع مليار متر مياه لمليون مواطن قادمين ده موضوع مش ممكن محدش يقدر عليه، مش هنقدر نوفر ده، تيجي تتكلم كده في التعليم تلاقي مشكلة طالعة لك والتشغيل مشكلة والصحة مشكل بتطلعنا، طيب انتوا محتاجين إيه يا أهل مصر علشان تنتبهوا إن اللي إحنا ماشيين فيه ده عبارة عن انتحار بسبب الزيادة السكانية، من 2011 لدلوقتي زدنا 25 مليون مواطن طيب إحنا زدنا 25 مليار مياه مزدناش كل اللي قدرنا عليه إننا دخلنا في برنامج ضخم جدا بأموال كبيرة للتحلية والمعالجة، هلاقي محافظ البنك المركزي دلوقتي يقولي صرفتوا كل الفلوس دي على البنية التحتية حرام عليك، أنا قعدتك علشان تشوف وتعرف الحكاية ولما هتشوف وانت مش قاعد لوحدك في البنك تتفرج علينا لأ دي بلدنا كلنا مع بعض وكلنا نجري ونبنيها".

السيسي لوزير التموين: أنت مش مسيطر على الأسعار؟ ورد قوي من المصيلحي

السيسي يحذر من جرائم الذكاء الاصطناعي، ويكشف قصة الكابلات البحرية للاتصالات

شهادة أمام التاريخ

وتابع:"البلد دي بلدنا كلنا والمحافظة عليها في رقبتنا كلنا، علشان لينا ومش لينا أنا كبرت في السن والأيام مش فاضلة كتير ولكن بنتكلم عن الأطفال والأجيال القادمة هنسيبلها إيه هيقولوا مخططوش ومفكروش ومنفذوش ومجهزوش لأ انا بقول أهو ودهي بيتسجل للتاريخ".
 

نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.