السيسي يحذر من جرائم الذكاء الاصطناعي، ويكشف قصة الكابلات البحرية للاتصالات
مؤتمر حكاية وطن، حذر الرئيس عبد الفتاح السيسي، من الجرائم الإلكترونية من خلال تقنيات الذكاء الاصطناعي، موضحا: "كنت بتكلم مع المجلس الأعلى للقضاء، وقلنا فكروا مع بعضنا في موضوع الجرائم الإلكترونية ولجنة متخصصة في الذكاء الاصطناعي، لإن إحنا شايفين الموضوع هيقفز مننا يا دكتور مصطفى مدبولي، وقد لا نكون إحنا منتبهين من انعكاساته علينا سواء كمعرفة أو تطور أو جرائم، لازم نعمل التشريعات اللازمة في المجال ده".
مطالب وزارة الاتصالات
وتابع خلال مؤتمر “حكاية وطن”: "وزارة الاتصالات مش بنبخل عليها ولا على الدكتور عمرو طلعت في أي مطالب له، لإنها مطالب مشروعة لإن كل جنيه بنصرفه في قطاع الاتصالات بتكون تأثيراته قوية علينا وضخمة جدا على مصر".
الكابلات البحرية للاتصالات
وأشار: "موضوع الكابلات البحرية اللي 90% منها بيمر في مصر وإحنا بنتكلم مع بعض الدكتور عمرو طلعت وزير الاتصالات من سنتين أو 3 سنين قال لي الكابلات بتتقطع قلت له بتتقطع إيه؟ ما تعمل على محور قناة السويس فقال لي ده إحنا بقالنا 10 أو 20 سنة مش قادرين، يا نهار أسود!! قلت له ده بكرة يتعمل وخلصنا وعملناها، وقلت له لو عايز تعمل 10 كابلات أنا جاهز، ليه أنا جاهز، مش فرد عضلات، ولكن علشان القطاع عنده فرصة والمكانة اللي توصلنا إليها حرام إننا نفقدها نتيجة ممارسات مش كويسة، فرصتنا إن إحنا نستفيد من التحولات وأنا معاكم في إننا نتحرك ونتقدم".
نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
