مصطفى الفقي يطالب السيسي بفتح المجال للحريات وحقوق الإنسان (فيديو)
السيسي، طالب الدكتور مصطفى الفقي المفكر السياسي، الرئيس عبد الفتاح السيسي بفتح المجال أكثر للحريات وحقوق الإنسان في مصر.
فتح المجال للحريات العامة وحقوق الإنسان
وقال "الفقي" خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم":"الفترة الماضية كانت انتقالية بعد عملية تغيير كبيرة لمدة 10 سنوات متصلة، وقد بنينا الهارد وير ويتبقى السوفت وير، لذا أطلب الفترة المقبلة أن يفسح المجال أكثر للحريات العامة ولحقوق الإنسان في مصر وهذا ليس عيبا، كثيرا من الدول عانت من هذا بما فيها أمريكا والغرب الأمريكي والغرب الأوروبي".
أمل الفترة المقبلة في الحياة السياسية
وتابع مصطفى الفقي:"يجب أن يكون في الفترة المقبلة أمل كبير في أن تتسع مساحة الآراء والحريات والحوار والرأي الآخر قدر الإمكان".
وفي سياق آخر، حذر الرئيس عبد الفتاح السيسي، خلال مؤتمر “حكاية وطن” من محاولات هدم الدولة.
وقال الرئيس عبد الفتاح السيسي: "وزير الإسكان ذكر أننا عملنا 300 ألف وحدة سكنية بحوالي 85 مليار جنيه، وقال إننا فرشنا الوحدات دي، وكان الهدف منه أننا نعبر لأهلنا اللي ظروفهم صعبة أننا مش هنسيبهم".
السيسي يحذر من محاولات هدم الدولة
ولفت خلال مؤتمر "حكاية وطن": "كنت بتكلم مع السادة في المجلس الأعلى للقضاء الصبح وقلت لهم تخيلوا اني ممكن أهد مصر بـ2 مليار جنيه فهما استغربوا اوي، فقلت لهم أدي باكتة و20 جنيه وشريط ترامادول لـ100 ألف إنسان ظروفه صعبة وانزلوا يعمل حالة، هديله 1000 جنيه وانزلهم 10 أسابيع بمليار جنيه لو اديتهم 100 جنيه بس انزل مليون كل اسبوع لمدة 10 أسابيع بمليار جنيه، أهد بلد فيها 105 مليون بمليار جنيه يعني 30 مليون دولار، فيه ناس بتصرفهم في حفلة، يبقى لما آجي أدفع الـ85 مليار للأسر الضعيفة ومرميين في الشارع والصفيح والمقابر ومش حاسين انهم عايشين اوفرلهم سكن وافرشلهم الشقة كمان حتى لو البلد مش لاقية تاكل، إذا كنا بنفهم أمن قومي مش هتستكتروا اللي انا بنعمله ده واكتر منه حتى لو احنا تعبانين ومش قادرين علشان ميبقاش عندك ثغرة يتم استغلالها في نظم الحرب الحديثة في هدم الدول، محدش هيهاجمك كتير من برة بشكل مباشر لإن ده تبعاته ضخمة جدا ومكلفة جدا مش عسكريا وماليا حتى من منظور القانون الدولي، انما انت عندك ناس بتتحرك وعايزة تتظاهر وأنا بمليار جنيه انزلهم 10 أسابيع وراء بعض زي ما نزلوهم قبل كده".
حجم الاتفاق علي نهضة الدولة مقارنة مع تنظيم قطر كأس العالم
وتابع:"الرقم اللى اتطرح من رئيس الوزراء والوزراء هما 10 تريليون جنيه علي الأسعار بتاعت دلوقتي 300 مليار دولار علي الاسعار اللى قبل كده 600 مليار دولار، من حوالي سنة ونص كان فيه كأس العالم في دولة قطر فالإعلاميين في مصر هاجموا أن تم إنفاق 300 مليار دولار علي إعداد الدولة مش إعداد الكأس لإنهم اعتبروا اني دي فرصة 10 سنين للإنفاق علي دولة قطر لتحويلها من حالة لحالة تانية فالناس بتوعنا بيهاجموا انتوا ضيعتوا الـ300 مليار دولار قلت لهم انتوا بتقولوا كده ليه؟ ده الرقم اللى يتصرف علي دولة علشان تبقى دولة تتقدم وتستفيد من إمكانياتها في بناء قدرات لدولة فيها صرف صحي وكهربا وموانئ ومطارات فانتوا بدل ما تهاجموا افهموا وساعتها مكنش العلاقات قد كده ولكن الفهم والوعي والصدق هو الأهم، طيب احنا صرفنا 10 تريليون جنيه بس علشان الشركات مصري ولو دي شركات اجنبية الرقم ده يتضرب في 3 مرات، يعني الـ10 تريليون 30 تريليون لكن من كرم ربنا ان اللى عملناه كام بشركات مصرية بالكامل حتي لما دخلنا في موضوع الإنفاق للمترو قلت لكامل مش هنعمل تاني علشان ادفع بالجنيه المصري حاجتي وهاتوا المكن من ألمانيا ونعمل والشركات اللى عملت قناة السويس تشتغل
نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
