السيسي: بكيت على بلدي بعد تصريح موشيه ديان عقب 1967
مؤتمر حكاية وطن، قال الرئيس عبد الفتاح السيسي:"الدولة حاجة تانية كواقع غير الكلام، وسنة 1967 وزير الدفاع الإسرائيلي موشيه ديان قال الضربة دي لن يقوم منها الجيش المصري إلا بعد 50 سنة فأنا قلت وقتها وأنا عندي 13 سنة معقول علي ما نستعيد قوتنا ونحتفل بالنصر ناخد 50 سنة، كنت زعلان أوي علي بلدي يعني".
بكاء السيسي بعد نكسة 1967
ووجه الرئيس السيسي خلال مؤتمر “حكاية وطن” حديثه لـ كامل الوزير، قائلا:"معقول كنت بفكر في بلدي بعد 1967 وأنا عندي 13 سنة وشايل همها وكنت ببكي علشانها بالشكل ده يا كامل".
في نفس المؤتمر، قال الرئيس عبد الفتاح السيسي: "وزير الإسكان ذكر أننا عملنا 300 ألف وحدة سكنية بحوالي 85 مليار جنيه، وقال إننا فرشنا الوحدات دي، وكان الهدف منه أننا نعبر لأهلنا اللي ظروفهم صعبة أننا مش هنسيبهم".
السيسي يحذر من محاولات هدم الدولة
ولفت خلال مؤتمر "حكاية وطن": "كنت بتكلم مع السادة في المجلس الأعلى للقضاء الصبح وقلت لهم تخيلوا اني ممكن أهد مصر بـ2 مليار جنيه فهما استغربوا اوي، فقلت لهم أدي باكتة و20 جنيه وشريط ترامادول لـ100 ألف إنسان ظروفه صعبة وانزلوا يعمل حالة، هديله 1000 جنيه وانزلهم 10 أسابيع بمليار جنيه لو اديتهم 100 جنيه بس انزل مليون كل أسبوع لمدة 10 أسابيع بمليار جنيه، أهد بلد فيها 105 مليون بمليار جنيه يعني 30 مليون دولار، فيه ناس بتصرفهم في حفلة، يبقى لما آجي أدفع الـ85 مليار للأسر الضعيفة ومرميين في الشارع والصفيح والمقابر ومش حاسين انهم عايشين اوفرلهم سكن وافرشلهم الشقة كمان حتى لو البلد مش لاقية تاكل، إذا كنا بنفهم أمن قومي مش هتستكتروا اللي انا بنعمله ده واكتر منه حتى لو احنا تعبانين ومش قادرين علشان ميبقاش عندك ثغرة يتم استغلالها في نظم الحرب الحديثة في هدم الدول، محدش هيهاجمك كتير من برة بشكل مباشر لإن ده تبعاته ضخمة جدا ومكلفة جدا مش عسكريا وماليا حتى من منظور القانون الدولي، انما انت عندك ناس بتتحرك وعايزة تتظاهر وأنا بمليار جنيه انزلهم 10 أسابيع وراء بعض زي ما نزلوهم قبل كده".
حجم الاتفاق علي نهضة الدولة مقارنة مع تنظيم قطر كأس العالم
وتابع:"الرقم اللى اتطرح من رئيس الوزراء والوزراء هما 10 تريليون جنيه علي الأسعار بتاعت دلوقتي 300 مليار دولار علي الاسعار اللى قبل كده 600 مليار دولار، من حوالي سنة ونص كان فيه كأس العالم في دولة قطر فالإعلاميين في مصر هاجموا أن تم إنفاق 300 مليار دولار علي إعداد الدولة مش إعداد الكأس لإنهم اعتبروا اني دي فرصة 10 سنين للإنفاق علي دولة قطر لتحويلها من حالة لحالة تانية فالناس بتوعنا بيهاجموا انتوا ضيعتوا الـ300 مليار دولار قلت لهم انتوا بتقولوا كده ليه؟ ده الرقم اللى يتصرف علي دولة علشان تبقى دولة تتقدم وتستفيد من إمكانياتها في بناء قدرات لدولة فيها صرف صحي وكهربا وموانئ ومطارات فانتوا بدل ما تهاجموا افهموا وساعتها مكنش العلاقات قد كده ولكن الفهم والوعي والصدق هو الأهم، طيب احنا صرفنا 10 تريليون جنيه بس علشان الشركات مصري ولو دي شركات اجنبية الرقم ده يتضرب في 3 مرات، يعني الـ10 تريليون 30 تريليون لكن من كرم ربنا ان اللى عملناه كام بشركات مصرية بالكامل حتي لما دخلنا في موضوع الإنفاق للمترو قلت لكامل مش هنعمل تاني علشان ادفع بالجنيه المصري حاجتي وهاتوا المكن من ألمانيا ونعمل والشركات اللى عملت قناة السويس تشتغل".
نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
