ياسمين صبري تعلم عمرو أديب اليوجا على الهواء ورد فعل غريب للإعلامي (فيديو)
ياسمين صبري وعمرو أديب، قامت الفنانة ياسمين صبري، بتعليم الإعلامي عمرو أديب، على الهواء، طريقة ممارسة اليوجا، بعد طلب الأخير منها ذلك.
طرق ممارسة اليوجا
وأخبرت ياسمين صبري، عمرو أديب خلال برنامج "الحكاية" المذاع على قناة "إم بي سي مصر"، بطرق ممارسة اليوجا، قائلة:"أول حاجة لازم تفرد ضهرك وترجع رقبتك للوراء وتبدأ تنظم نفسك، متتنفسش من بوقك، بوقك للأكل والشرب، تتنفس من مناخيرك، هتلاقي نفسك مش منتظم لإنك مش متعود، نفسك يبقى من بطنك زي البيبي والنفس يبقى من البطن مش من الصدر، ولما تنظم نفسك أعصابك بتهدأ ولما أعصابك بتهدأ التوتر والعصبية بتقل ونومك بيبقى أحسن وأعصابك بتبقى أهدأ وبيبقى فيه مزيكا حلوة وأنت بتمارس اليوجا".
ترددات اليوجا
وتابعت:"المزيكا ليها تردد وكل شيء في الحياة له تردد، وأنت يا عمرو ليك تردد والجبال ليها تردد والمزيكا ليها ترددات معينة بتريح الأعصاب لا شعوريا زي صوت البحر والنهر والشلالات وصوت الشجر مع الهواء وكل ده علاج نفسي".
تعليق عمرو أديب
وعلق عمرو أديب:"دايما بحس إن العلاج المهم طبق فول حلو عليه شوية زيت وليمون"، لتعقب ياسمين صبري: "حلو مش مشكلة جميل لو متعتك كده عادي، بس تجرب اليوجا هتلاقي الشيء اللي كان بيعصبك قبل كده بقى ياخد منك رد فعل أقل بسبب هدوئك النفسي".
ياسمين صبري تمازح عمرو أديب
ومازحت ياسمين صبري، عمرو أديب، قائلة: "أنا حاسة لما أنا هديت صوتي إنت ارتحت وفيه هدوء، هههه والله العظيم يا جماعة مش ممكن حسيت بهدوء ولا بتشتغلني"، ليعلق عمرو أديب:"أنا أول لما حسيت إن الدنيا فيها الهدوء، هدوء إيه ويوجا إيه إحنا في إيه ولا إيه إنتوا إتجننتوا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
