زعل وحادث الواحات، رامي جمال يكشف لأول مرة سر إصابته بالبهاق والسكر (فيديو)
رامي جمال، كشف المطرب والملحن رامي جمال، لأول مرة السبب وراء إصابته بمرض البهاق، مؤكدًا: "المرض كان بسبب إني نمت زعلان".
أزمة كليب رامي جمال
وأضاف خلال لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "جيت في يوم سافرنا وصورنا أغنية من الأغاني المقربة أوي لقلبي مع مخرج صديق، والأغنية كانت تكلفتها كبيرة كانت 100 ألف دولار وبعد لما خلصنا تصوير عايز أستلم منه الكليب لقيته بيماطل ومختفي وفي الآخر اعترف لي إن الهارد وقع منه اتكسر وما كانش واخد منه منه نسخة".
كارثة ضياع كليب الـ100ألف دولار
وتابع رامي جمال: "الحركة اللي عملها معايا المخرج ما يغلطش فيها حد جديد في الشغلانة، ساعتها ما بقيتش قادر أصدق وفكرت وقلت يمكن عايز فلوس زيادة بس الحقيقة إن الهارد فعلًا بتاع الكليب اتكسر وقال لي اتصرف فطبعًا ما كانش عندي حل وأنا كنت في بداية مشواري والـ100 ألف دولار ما كانوش موجودين وربنا كرمنا بالحل في الفلوس بس كان الموضوع صعب جدًّا".
استشهاد عمر صلاح ومرض رامي جمال
واستطرد: "استشهاد صاحبي الأنتيم عمرو صلاح وجمعنا 21 سنة صداقة وساكن معايا في نفس البيت ومع بعض ليل نهار واستشهد في الواحات، ودا كان بالنسبة لي صدمة كبيرة وحاولت أكتم بعدها ولكن جالي بعد شهر مرض السكر، وواضح إن الصدمات بتأثر فيَّ".
صدمة رامي جمال
ولفت: "الابتلاء مش مرتب وعمرو صلاح كان معايا اليوم اللي قبلها في الإستوديو وقال لي هبات النهارده في القطاع وأشوفك بكرة وتالت يوم أخوه بيكلمني أنتيمك استشهد، قعدت 5 أيام مش عارف أصدق إنها حقيقة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ،أسعار العملات ، أخبار الرياضة ، أخبار مصر، أخبار الاقتصاد، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
