عمرو مصطفى عن خلافه مع رامي صبري: ما ينفعش ياكل حقوقي وأبقى حلو معاه (فيديو)
![رامي صبري وعمرو مصطفى،](images/no.jpg)
رامي صبري، اتهم الفنان عمرو مصطفى، المطرب رامي صبري، بسرقة لحن أغنيته "رقصة"، قائلًا: "أنا ما ينفعش من شوية اغانيَّ كلها بتتسرق ونزلتها من سنة ولقيته بيقول لي دا أنا عاملها من 2016 طيب أنا عايزك تطلع يا رامي أي حاجة تثبت إنك عاملها في 2016 أو 2009 زي ما قلت في تصريحات تليفيزيونية وأي آلة بتسجل عليها بتوثق التاريخ".
تهنئة رامي صبري بأغنية رقصة
وأضاف خلال الجزء الثاني من لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "أنا بحب رامي صبري، بس ما ينفعش حد ياخد حقوقي وأبقى حلو معاه مش ممكن، أغنية رقصة نزلت وهو بارك لي عليها".
سرقة ألحان عمرو مصطفى
وتابع: "فيه ملحنين كتير سرقوني غير رامي صبري، وأنا ما بعرفش أسكت، فيه سرقات رهيبة عن الحان كتير ليَّ".
رجاء رامي صبري وقسم عمرو مصطفى
ولفت عمرو مصطفى: "رامي صبري كلمني قال لي معلش علشان خاطري شكلي مش حلو وأنا كنت عامل الأغنية، وعاملها ومش عاملها طيب هات لي اللي يثبت إنك عاملها، أما أنا لو عايز أشيل له الأغنية من على يوتيوب هشيلها له، الأغنية ناجحة علشان أنا اللي عاملها بس أنا سيبتها له بمزاجي بس هو كان زود كنت هوقفها وبكرة الصبح هبلغ اليوتيوب إن دا لحني ونازل على يوتيوب قبله ومفيش حاجة اسمها توارد أفكار دا واخدها بالظبط، وأغنيته بعنوان يمكن خير جايبة 35 مليون مشاهدة وأنا أغنيتي رقصة جابت 4 مليون مشاهدة بس هما الاتنين لحني وجملي اللحنية، وفيه نفس الأغنية خد جملة لحنية أخرى من وائل كافوري وانا بقيت مباح، اقسم بالله ما هسيب حد ياخد جملة لحنية مني تاني".
في الجزء الأول من نفس اللقاء، رد الفنان عمرو مصطفى، على هجوم المطرب تامر عاشور عليه، قائلًا: "يا تامر فيه أغنية عملتها لمصطفى صندل التركي وأنت أخدتها وعملت الأغنية دي وأخدت اللحن والتوزيع الموسيقي ونزلت وكتبت عليها اسم ملحن تاني وأنت المفروض جوا الصناعة، الصناعة اللي بقى كل اللي بينتجوا أغاني بيسرقوا الأغاني والألحان".
سرقة أغاني عمرو مصطفى
وتابع:"لسه فيه أغنيتين خدهم مطربين مهرجانات وسرقوهم هل دا مش معناه إن الصناعة اتدمرت".
صورة الفن المصري
وأضاف: "تامر عاشور هل وجود المهرجانات وصورتنا برة مصر وصورة أم كلثوم وعبد الحليم حافظ حاجة كويسة وترضيك ولا لأ".
عمرو مصطفى يتهم تامر عاشور بسرقة ألحانه
وأكمل: "مش هعتب عليك يا تامر عاشور إنك أخدت الأغنية بتاعتي، بس أنت مثل من الأمثلة اللي استباحت الجمل اللحنية لأشخاص موجودة وحية وعايشة ومش هرد عليك أكتر من كدا".
رسالة عمرو مصطفى لتامر عاشور
ولفت: "قابلت تامر عاشور قبل كدا وقلت له لما تحب تقول حاجة تعالَ قلها لي وكان ساعتها واقف زي التلميذ ما بيردش، ولما قال عليَّ عمود من أعمدة الصناعة كان المفترض يستأذني قبل لما ياخد أغنيتي وخدها واستبحاها ونشرها على يوتيوب من غير حد ما يستأذني ولا يكتب اسمي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.