عمرو مصطفى: بشرة خير كانت تعيشني مرتاح أنا وأولادي طول العمر وبغبائي تنازلت عنها لـ الجسمي
عمرو مصطفى، قال الفنان عمرو مصطفى: "احنا في أزمة حقيقية، المنتج والمطرب بقوا على رأس الهرم والمبدع من مؤلف وملحن مش موجودين، المطرب بيجيب فلوس طول عمره والمنتج يقعد ياخد فلوس طول عمره والموزع والملحن والمؤلف بيقولوا خد يا حبيبي 5 جنيه وروح اتنازل عن كل حاجة".
نجاح الأغنية
وأضاف خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "أغنية واحدة تقدر تعيش أسرة كاملة للملحن والموزع والمؤلف بشكل كويس لو نجحت".
عمرو مصطفى يكشف مفاجأة عن أغنية بشرة خير
ولفت: "أغنية بشرة خير كانت تعيشني أنا وأولادي وأحفادي طول العمر بتجيب فلوس، عملت 500 مليون مشاهدة يعني 500 ألف دولار، وأنا مش معايا الحقوق بتاعتها هقول لأ علشان غبي واتنازلت عنها، علشان الموضوع كان خاص بالدولة والمطرب حسين الجسمي قال مش هغني الأغنية غير لما آخد الحقوق بتاعتها وفعلًا خد الحقوق كلها، وأنا ما أخدتش حاجة".
في نفس اللقاء، عمرو مصطفى، قال الفنان عمرو مصطفى: "ناس كتير من المقربين ليَّ قبل كدا نصحوني بزيارة الطبيب النفسي، ولما رُحت لطبيبة نفسية قعدت هي تحكي لي قصصها ومشاكلها فبقيت أنا الدكتور بتاعها".
سبب عدم تكرار عمرو مصطفى زيارته للطبيبة النفسية
وتابع: "ما بقتش أروح للطبيبة النفسية لأن هي اللي محتاجة تتعالج وعايزاني أسمع مشاكلها وقصصها".
مشكلة عمرو مصطفى
ولفت: "أنا ما عنديش مشكلة نفسية ومش مغرور ولا نرجسي زي ما بيتقال وإلا ما كنتش سمعت كلام المقربين بزيارة الطبيب النفسي، أنا بحب أركز في شغلي وبسبب حبي للموسيقى ممكن أتخانق وأعمل مشاكل".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
