مصطفى هريدي: اتمسكت في المطار بعد اتهام إيناس الدغيدي ليا بإدمان المخدرات (فيديو)
قال الفنان مصطفى هريدي: "مشاكلي مع المخرجة إيناس الدغيدي بدأت بعد عرض فيلم مجنون أميرة، ومعملش حاجة في السينما من وجهة نظرها، هي نزلت الفيلم من غير عرض خاص ولا دعاية واعتمدت فقط علي اسمها، حتي الأفيش اللي كان نازل اسمي مكنش فيه".
مشكلة إيناس الدغيدي مع مصطفى هريدي
وأضاف خلال لقائه ببرنامج "الستات" الذي تقدمه مفيدة شيحة وسهير جودة، المذاع علي قناة "النهار":"إيناس الدغيدي مقدمتنيش بالشكل المفروض تقدم به ممثل ونجم لأول مرة لا في طريقة الدعاية والاهتمام بيا، الفيلم اتظلم مش مني ولكن من الانتاج والمخرجة ومش أنا اللى اشيل المسئولية ويتقال اني بوظت الفيلم وسبب في فشل الفيلم".
كواليس التصوير مع إيناس الدغيدي
وتابع:"3 يوم تصوير لقيت ايناس الدغيدي بتقولي انت مش سينمائي انت مش عارف حاجة واقول اللى موجود واعمل اللى مكتوب ورأيها هو اللى كان بيمشي ومعطتنيش الفرصة اني اعمل حاجة ومطلعتش مني حاجة ودي مسئوليتها، وقالت لي انت مش بتاعي انت بتاع السبكي، ونزلت الفيلم والايرادات مكنتش متوقعاه بدأت تهاجمني".
اتهامات إيناس الدغيدي
وأكمل:"إيناس الدغيدي قالت عني مدمن وبتعاطي وحاجات كتير جدا وده سب وقذف وتشهير وقالته في 2016 مش ساعة لما الفيلم نزل في 2009، ولما الفيلم بعد لما نزل واتشال من السينما جت تعمله عرض خاص في أحد السينمات وعزمت الصحافة والإعلام وبعض الاصدقا ومفيش فيلم بيتعمله عر خاص بعد لما اتشال".
معاناة مصطفى هريدي بسبب إيناس الدغيدي
ولفت:"إيناس الدغيدي كانت عايزة تشوه سمعتي وفعلا ده ضرني وقعدت سنين طويلة بترشح في اعمال كتير وبترفض بسبب السمعة، وفي أحد المطارات اتمسكت بسبب اتهامي إن تاجر مخدرات، فتشوني وهما ماسكين الموبايلات وعليها اخبار ايناس الدغيدي وهي بتقول إني مدمن مخدرات".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
