السيسي للمصريين: لو ربنا نجاكم مرة متستنوش ينجيكم كل مرة.. اللي حصل بعد 25 يناير خراب في خراب

قال الرئيس عبد الفتاح السيسي:"المشكلة الحالية إن كل واحد فينا عايز ياخد الحد الأقصى في كل حاجة وعايز المثالية في كل شيء، مش ممكن هنقدر نعمل ده حتي الحوار الوطني خطوة في حركة الدولة المصرية أو أي دولة".

خطوة الحوار الوطني والعفو الرئاسي

وأضاف خلال حديثه بفعاليات المؤتمر الوطني للشباب ببرج العرب بالإسكندرية:"واحنا بناقش أي موضوع بتبقى خطوة من الخطوات والحوار الوطني خطوة مش نهاية المطاف والعفو الرئاسي خطوة من خطوات، ومقدرش متكلمش في الماضي لإن الماضي كان ممكن يخليكوا يا مصريين تروحوا علي دول تانية والفضل هنا مش لحد ولكن لله، ان نجاكم ربنا مرة متستنوش ينجيكم كل مرة، ربنا نجاكم يا مصريين".
 

تداعيات 25 يناير 2011

وتابع:"هو اللى عمل الإنتخابات بعد 25 يناير 2011 وجاب الإخوان مين؟ هو انا اللى جبتهم؟ انا اللى جيبت الناس دي؟ اتعملت حالة وافرزت ان الدولة فكت والأساس اللى كان موجود قبل مبقاش موجود وعملنا انتخابات والبرلمان جاب اللى انتوا شوفتوه مش راضيين مرضتوش ليه؟ وبعدين عملتوا انتخابات رئاسية جبتوا اللى انتوا شوفتوه يعني خراب في خراب يعني، طيب انت علشان تتخلص من الخراب ده علشان مشوفتش تداعياته وربنا سلمها عليك جاي تطلب كل حاجة كاملة، وكإن البلد مكنتش في ازمة كبيرة جدا".
 

شاب لـ السيسي: جيلي عاتب عليك علشان تحملنا نتايج اللى قبلنا، والرئيس يرد (فيديو)

الرئيس السيسي: بيقولوا البلد بتحب الطرق.. وأنا أمين معاكم وعليكم

تكلفة ثورة 25 يناير 

ولفت السيسي:"احنا اتكلفنا 80 مليار جنيه فقط بعد أحداث 25 يناير والاحتياطي بتاعك اللى كان موجود خلص في سنة ونص اللى انت قعدت تكونه في 20 سنة، هو هيرجع ازاي يعني؟ وبعدين لما مشيوا راحوا ضاربين الكنائس والجوامع ومحطات الكهرباء وكل شئ، الل حصلكم يا مصريين بعد رحيلهم كان انقاذ وطني واللى هيحاسبني ربنا مش حد تاني علي الـ100 مليون وانا مش بخاف".

نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.