هند عاكف تعلق على تراجع ميار الببلاوي وتكذيبها وفاء مكي (فيديو)
هند عاكف، قالت الفنانة هند عاكف: "لم أتوقف على أي انتقادات وجهت لي بعد وقوفي ومساعدتي للفنانة وفاء مكي، ولو أي حد عنده معلومة ممكن تساعد بني اَدم ولو حتى نفسيا مينفعش يتأخر".
براءة وفاء مكي
وأضافت خلال لقائها ببرنامج "المنسي" المذاع علي قناة "هي": "حاولت أساعد وفاء مكي في إنها حتى تبرأ نفسها قدام ابنها، ازاي ابقى عندي معلومة اساعد بيها حد واخبيها؟! مينفعش".
دعم وفاء مكي معنويا
وتابعت: "وفاء مكي مش هتتحاكم تاني هي اتحاكمت، ولكن ممكن تتبرأ بشكل معنوي قدام الجمهور، وهي اتعاقبت قبل كدة، انا محشرتش نفسي من الأساس لإن وفاء مكي وميار الببلاوي اخواتي، واستحالة ازعل حد فيهم واستحالة يبقى عندي حاجة تسعد حد فيهم واخبيها".
حزن وفاء مكي من ميار الببلاوي
وأكملت: "ميار الببلاوي قالت لي جملتين تبرأ فيهم وفاء مكي من القضية اللي اتحبست فيها، لقيت وفاء مكي في انتخابات النقابة بتقولي أنا زعلانة من ميار الببلاوي قلت لها: متزعليش منها، دي هي اللى بتبرأك".
تراجع ميار الببلاوي
وأضافت: "أنا معرفش ليه ميار الببلاوي بعد ما برأت وفاء مكي رجعت تاني في كلامها وكذبتها، ولكن هي اللي تتسأل في كدة، ولكن أنا بالنسبة لي الخوف أو التهديد عمره ما هيخليني أكتم شهادة الحق وأنا مبخافش إلا من ربنا لإنه هو الوحيد اللى هيحميني طالما برضى ربنا".
في وقت سابق، قالت الفنانة وفاء مكي: "ربنا هو اللي أنطق ميار الببلاوي بعد 23 سنة، وأشهد الله وحق لا إله إلا الله قعدت طول السنوات دي ما بتكلمش برغم إني عارفة إنها غيرت شهادتها بعد ما حد لعب في دماغها".
قدرة الله
وتابعت وفاء مكي خلال تصريحات تليفزيونية: "ربنا بينصر المظلوم ولو بعد حين والطلقة اللي بتطلع مش بترجع تاني".
حقيقة تريند ميار الببلاوي ووفاء مكي
وأضافت: "أقسم بالله ما كانش فيه اتفاق بيني وبين ميار الببلاوي إنها تطلع مع المذيعة صاحبتها علشان تبرأني ولا كان في دماغي التريند ولا أي شيء أكتر من تبرئتي أمام الناس في القضية اللي اتسجنت فيها ظلم".
شهادة ميار الببلاوي
وأكملت: "ميار الببلاوي مصابة بأمراض كتيرة وعملت أكتر من عملية وعلشان كدا كانت خايفة تكتم الشهادة، هي ظلمتني فترة طويلة وربنا أنطقها بالشهادة".
في وقت سابق، كشفت الفنانة وفاء مكي تفاصيل أزمتها مع ميار الببلاوي قائلة: "ميار قالت الحقيقية في الأول، وفي شهود على كلامها بغض النظر أنها تراجعت في كلامها مرة أخرى".
و أضافت “وفاء” في تصريح خاص لـ"فيتو": ”كمان في تسجيلات صوتية لميار الببلاوي تثبت كلامي وقالت فيها كل حاجة بالتفصيل الممل وهي لما تعرضت للهجوم بشكل كبير تراجعت عن كل الكلام اللي قالته".
وكانت الفنانة وفاء مكي قالت عن أزمتها مع ميار الببلاوي: “ميار الببلاوي طلعت بكل إرادتها وقالت إن معاها دليل براءتي من 23 من سنة وكتمت شهادة الحق”.
واستنكرت "مكي"، تصريحات ميار الببلاوي، مشيرة إلى أن الهدف منها التريند، قائلة: "ما ينفعش تطلع تقول بكل إرادتها قدام الرأي العام أن معها دليل براءتي من 23 سنة ومش عارفة تنام وضميرها مش مريحها وتاني يوم ترجع في كلامها دي بتلعب بالسوشيال ميديا وعايزة تطلع تريند".
وأكملت وفاء مكي في تصريح سابق لـ فيتو: “أنا انتهيت ومفيش في عمري 23 سنة تاني ومش هيحصل لي قد ما حصل لي ومش هتحاكم تاني، وممكن القضية تتفتح تاني وهجيب معايا الشهود وميار الببلاوي كتمت شهادة الحق بقالها 23 سنة ومفيش علاقة صداقة أصلًا بتربطني بيها وهي ذات نفسها قالت وفاء مكي اختفت”.
ميار الببلاوي تتراجع عن تصريحاتها وتكذب وفاء مكي
وتراجعت الفنانة والإعلامية ميار الببلاوي عن تصريحاتها الأخيرة، التي أكدت بها براءة الفنانة وفاء مكي في قضية تعذيب الخادمتين الصغيرتين، حيث أكدت ميار أن وفاء مكي (كاذبة) وأنها من عذبت الخادمتين، متعجبة من دفاع الأخيرة عن نفسها حول براءتها.
وكتبت ميار الببلاوي منشورًا عبر حسابها الشخصي بموقع التواصل الاجتماعي فيس بوك، جاء به: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده اتحسمت كفاية بقى، ملقتيش حد تدوسى عليه غيري وتمثلي البراءة، أو علشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.
وتابعت ميار الببلاوي: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد ماقريت التحقيقات والتقارير قد إيه أنا كنت هبلة.
واختتمت ميار الببلاوي: في كل مكان تكذبي وأنتِ عارفة إنك مش مظلومة، وأنا الحمد لله تأكدت إنك مذنبة، والحكم عين الحقيقة كده لما جولى مكنوش جايين من عندها، وكده الخدامة كذابة، شاهد العيان ده ريح قلبي.
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
