رانيا يوسف: عندي أمل في الزواج تاني وممكن أحب الإكس بتاع صاحبتي (فيديو)
رانيا يوسف، تحدثت الفنانة رانيا يوسف، عن زيجاتها الثلاثة، والأنجح فيهم، قائلة: "اتجوزت 3 مرات وأول زيجة هي الأنجح بالنسبة لي، إنما الاتنين الباقيين ما كانوش ناجحين، ولسه عندي أمل في الزواج تاني، وعلاقتي بـ أبو بناتي مش كويسة خالص وكنت أتمنى إننا نفضل صحاب".
وأضافت في تصريحات تليفزيونية: "بناتي شجعوني إني أجرب الزواج تاني، وممكن أتجوز للمرة الرابعة"، مضيفة: "ممكن أحب زوج صاحبتي في حالة انفصالهما، ووارد أحب EX صاحبتي السابق، بس على حسب هما منفصلين بقى لهم قد إيه، لو من فترة طويلة ما عنديش مشكلة، وصاحبتي أول واحدة هعرفها، ولو منفصلين من قريب مش هفكر فيه لأن الدنيا ما بتقفش على حد".
الفنانة رانيا يوسف بناتي بيختاروا لي ملابسي
وأضافت الفنانة رانيا يوسف أن ابنتيها هما من تختاران لها ملابسها، قائلة: "بناتي مشجعيني إني أجرب، ولو رايحة معاد مع شخص هما اللي بيختاروا لبسي، وهما شوية متفتحين في اللبس، وأنا بحب ألبس اللي يليق عليَّ سواء قصير أو طويل أو مفتوح أو مقفول على حسب، كما أني بحب الشورتات والمايوهات جدًّا وبحب الصيف".
وحول اللحظة التي ستقرر فيها الكشف لبناتها عن مواعدتها شخصًا جديدًا، قالت: "بعد شهور لأنهم عاصروا جوازتين معايا، ولازم أكون واثقة 90% على الأقل، مش عايزة أعرضهم لتجربة تؤثر في حياتهم".
الستات مش المفروض تجيب هدايا للرجالة
وتابعت: "بحكم إني بشتغل من فترة طويلة اتعودت أجيب حاجتي بنفسي، لكن ما يمنعش زي ما بيقول المثل أنا غنية وأحب الهدية، إن جوزي يدلعني ويجيب هدية حلوة، دي حاجة لطيفة".
وأضافت: "الستات مش المفروض تجيب هدايا للرجالة، أنا لوحدي هدية، والرجالة المفروض تدلع الستات مش العكس، أنا أدلعك بطريقتي".
وتابعت: "ممكن مثلا أدلعك بأنك ترجع البيت تلاقيني عاملة علشانك بيض بالبسطرمة، وده يبقى حدث لإني مش بطبخ".
محمد مختار يرد على اتهامات رانيا يوسف
وكان المنتج محمد مختار رد على تصريح رانيا يوسف والتي اتهمته بأنه لا ينفق على بناته، قائلًا: "السؤال دا أنا مجاوبتش عليه على مدى 5 سنين بس هجاوب عليه علشان العملية زادت، واحنا كنا متفقين عند فريد الديب المحامي بتاعها إنها تتوقف عن هجومها عليَّ وعلى نادية الجندي، أنا معايا ورق رسمي يثبت إني بصرف على بناتي".
محمد مختار يبرئ نادية الجندي من اتهامات رانيا يوسف
وتابع: "نادية الجندي بريئة من كل الاتهامات اللي رانيا يوسف بتقولها ضدها، وبحول لبناتي فلوس على الحساب البنكي بانتظام والمحامي بتاع رانيا يوسف عارف كدا".
مصروفات محمد مختار على ابنتيه
وأضاف: "أنا مستور الحمد لله أكتر من أهلي، أبويا كان في اليونسكو، وكل اللي اتطلب مني وفرته لبناتي، فلوس مدارس إنترناشيونال أنا دافعها والأكل والشرب وكل الاحتياجات وفَّرتها، وبدفع لهم أكل وشرب بس كل شهر 15 ألف جنيه، و800 ألف جنيه سنويًّا مصروفات التعليم".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
