على غرار سيف ابن جعفر العمدة، أسرة تعثر على ابنها المخطوف بعد 10 سنوات، مطلعش اسمه محمد
على غرار مسلسل جعفر العمدة، وما شهدته الحلقة الأخير من عثور جعفر على ابنه عبد الجواد الذي كان يحمل اسم سيف بعد 19 عاما من رحلة بحث، سردت صفحة "أطفال مفقوده" على صفحتها ب"فيس بوك" قصة مشابهة وتحت عنوان:" الحمد لله قصة نجاح جديده... بعد 10 سنوات... محمد طلع اسمه عبد الرحمن".
بداية القصة
وسرد الصفة قصة عبد الرحمن من البداية للنهاية وقالت:" فى سنة 2015 تواصلت مع صفحتنا احدي العاملات في إدارة دار إيواء الضالين في شبرا وطلبت نشر صور أطفال معثور عليهم موجودين عندها في الدار ومنهم طفل عثر عليه بيقول إن اسمه محمد عاطف وكان سنة وقتها 7 او 8 سنوات ".
وواصلت الصفحة في سر القصة:" الطفل ده كنا واثقين اننا هنقدر نوصل لأسرته لانه وقت العثور عليه قال معلومات كتير عن نفسه منها اسمه وان امه اسمها عفاف... يعني فرصته انه يرجع لاسرته كبيره. واستغربنا اوي لما عدت كذا سنه وماوصلناش لأهل الطفل".
طريقة الوصول لـ عبد الرحمن
وتابعت:"في 2021 تواصل معانا أهل طفل مفقود اسمه عبد الرحمن شحات ابو المجد من سوهاج وبعتوا لنا صورة ابنهم اللي بيدوروا عليه بقالهم 8 سنين (الصوره اللي علي اليمين)... طلبوا مننا نساعدهم يلاقوه.. وبدأنا فعلا في نشر صورته بحثا عنه من وقتها".
وأضافت صفحة “اطفال مفقودة”: من كرم ربنا اننا من حوالي 5 شهور قابلنا طفل يتيم في الشارع هربان من دار رعاية بسبب التعذيب وسوء المعامله، لما قابلناه قلناله اننا ناشرين من زمان صورته عشان ندور علي اهله هو وولاد تانيين كانوا كلهم في دار ايواء الضالين وهم صغيرين واتنقلوا منها وهو راح الدار اللي هرب منها... وبالصدفه وريناه صورة محمد وسألناه لو يعرفه او يعرف هو فين دلوقتي... فقال لنا ايوه اعرفه بس هو خلاص مشي من الدار اللي كان عايش فيها وانه عايش في مؤسسة اسمها مؤسسة الحرية في عين شمس".
الذكاء الاصطناعي
واستطردت:" فجأه امبارح بمساعدة متطوعين أطفال مفقوده وبمساعدة الذكاء الاصطناعي نكتشف أن الطفل اللي اسمه محمد اللي كنا ننشرنا صورته وعرفنا صدفه انه اتنقل من الدار اللي هو فيها انه هو نفسه الطفل عبد الرحمن اللي اهله بيبحثوا عنه بقالهم 8 سنين ".
ووتابعت:" بالفعل بلغنا اخو عبد الرحمن بأن اخوه في مؤسسة الحريه، لكن للاسف مؤسسة الحريه تم غلقها بسبب الانتهاكات والفساد ومعلوماتنا ان الاطفال تم توزيعها علي اكثر من دار... بس ممكن يروح يسأل في عنوان المؤسسة".
وواصلت الصفحة فيعرضها لقصة عبد الرحمن:" أخو عبد الرحمن راح يسأل في شارع المؤسسة بصورة اخوه... والجيران تعرفوا عليه الحمد لله، لنكتشف ان عبد الرحمن (محمد) مازال عايش في شارع المؤسسة وانه بيشتغل هناك ولم يتم نقله، وبالفعل عبد الرحمن واخوه اتقابلوا لأول مره بعد كل السنين دي.. وافتكروا بعض وبدأوا إجراءات تغيير بطاقة (محمد) لتصبح بإسم (عبد الرحمن).
كارثة عن شخصية الخاطفة
كما كشفت الصفحة عن مفاجأة وقالت:" لما سألنا أخو عبد الرحمن مين عفاف اللي عبد الرحمن بيقول انها أمه، نكتشف المصيبه... هذه السيده هي اللي خطفته من زمان وكانت بتستغله في التسول بين محطات القطار وغيرت اسمه من عبد الرحمن الي محمد وحفظ الاسم للاسف ولما تم العثور علي عبد الرحمن قال اسمها علي انها امه وقال ان اسمه محمد زي ما هي حفظته !
وأردفت:" مبروك عودة عبد الرحمن لاسرته بعد كل هذه السنين بفضل الله عن طريق صفحتنا ويمجهود متطوعينا ... وعقبال كل مفقود.
واختتمت صفحة أطفال مفقودة روايتها:" احنا عندنا صدمه ان في اطفال كانت عايشه في المؤسسة مرميه في الشارع، لأن ده معناه اننا في مرحلة ما هنبحث عن أطفال فاكرين انهم في دور رعايه وبعد ما نعثر علي اسرتهم، نكتشف انهم هربوا أو مرميين في الشوارع وهنبدأ رحلة بحث من جديد".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية
