أحمد فهمي يكشف عن حملة لإفشال رجالة البيت: وراها نجم كبير صديق أكرم حسني (فيديو)
قال الفنان أحمد فهمي: "فيه نجم كبير عمل عليا حملة في السوشيال ميديا علشان يوقع مسلسل رجالة البيت، وفوجئت بالهجوم الكبير على العمل".
الهجوم على مسلسل رجالة البيت
وأضاف خلال لقائه ببرنامج "مساء دي إم سي" الذي تقدمه الإعلامية إيمان الحصري بقناة "دي إم سي":"كنت مستغرب وقتها الهجوم عليا وعلى مسلسل رجالة البيت، وفيه زملاء كتير سقطوا كتير ومحدش عمل معاهم حاجة".
أحمد فهمي يكشف عن نجم كبير حاول تشويهه
وتابع: "أكرم حسني هو اللى قال لي على النجم الكبير اللي عمل الحملة ضدي وضد المسلسل، وقتها استغربت لأن مفيش بينا مشاكل ولا خلافات ولا خناقات وهو كمان صاحب أكرم حسني، وبعدين لما حد استلم السوشيال ميديا بتاعتي اتأكد من المعلومة".
كتائب إلكترونية ضد الفنانين
ولفت: "هناك كتائب إلكترونية يقودها نجوم لتشويه فنانين أو إعلاميين أو مشاهير، وفي علم النفس مش كل الناس عندها ذوق ومحدش بيتفق على حد لكن أن يبقى فيه حملة موجهة على السوشيال ميديا ضدي وعلى مسلسل رجالة البيت ومش شايفين أي حاجة حلوة ده أمر مش طبيعي".
في نفس اللقاء، قال الفنان أحمد فهمي: "كنت عايز أهرب لأمريكا وأنا صغير لما كان عمري 19 سنة، وفعلا هربت لأن ساعتها أبويا وأمي كانوا عاوزيني أكمل في كلية الهندسة وأنا مش حابب هندسة خالص وزانقيني".
حكاية هروب أحمد فهمي إلى أمريكا
وأضاف: "قلت لأبويا وأمي هسافر أمريكا أتفسح شوية وقتها أصحابي عرفوا فقالولي متروحش إحنا بنروح كام شهر وبنزهق وبنرجع".
نصيحة صديق أحمد فهمي قبل هروبه الي أمريكا
وتابع أحمد فهمي: "واحد صاحبي اسمه محمد علام وهو توفي، قعد معايا في العربية وكان عامل نفس الحركة وهرب لأمريكا، وقال لي أنت هترجع وعمرك ما هتقتنع بحاجة إلا لو جربتها بنفسك يا إما هتفضل طول عمرك تقول يا ريتني، وفعلا روحت أمريكا، فأنا لازم أدخل أي تجربة علشان أتعلم منها، وعلشان كده مفيش قرار أخدته ندمت عليه أحيانا بتبقى في خسائر بس الفكرة إنك تبقى إنسان مش ممل".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
