رضوى الشربيني: أخطط لارتداء الحجاب وكنت معرضة لاسئتصال الكلى (فيديو)

قالت الإعلامية رضوى الشربيني: "هاجمت أماكن السهر والأندية والتجمعات السكنية اللي بتمنع دخول المحجبات، إزاي بني آدم يمنعني من دخول الأماكن دي علشان أنا راضية ربنا؟!".

رغبة رضوى الشربيني في ارتداء الحجاب

وأكدت خلال الجزء الثاني من لقائها ببرنامج "أنا والقناع" الذي تقدمه الإعلامية إيمان أبو طالب بقناة "سي بي سي": "الحجاب ضمن خطتي المستقبلية".

زيجات رضوى الشربيني

وأضافت رضوى الشربيني: "أنا ما اتجوزتش في السر وجوزوني 13 أو 16 مرة قبل كده والحقيقة إني اتجوزت مرة واحدة بس".

شائعات زيجات رضوى الشربيني السرية 

وتابعت: "أنا ما اتجوزتش أثرياء عرب ولا رجال أعمال مصريين علشان أنجح، والشائعات دي وصلتني 100 مرة وما هزتنيش علشان أنا ما عملتش حاجة في يوم من الأيام تكسر عيني، ومفيش راجل يقدر يكسر عيني، ولا يطلع يقول إنه اداني مليم، أنا ست بشتغل وبحترم نفسي ولو فكرت إني أتجوز هتجوز علشان أنا بحب مش علشان عايزة راجل يصرف عليَّ، ولو صحيح اللي بيقولوه عليَّ عايزة اسم راجل واحد بيصرف عليَّ".

لماذا تخلت شيريهان عن رضوى الشربيني وقت طلاقها؟ الإعلامية تعلق

رضوى الشربيني: مش ندمانة على جوازي وطليقي راجل محترم (فيديو)

كواليس مرض رضوى الشربيني 

وأكدت: “بعد وفاة والدتي بأسبوعين مرضت جدًّا ودرجة حرارتي كانت بتعدي الـ40 وكنت معرضة إني أستئصل الكلى، وشعري كان بيقع وبقع في الجلد وبرجع أي أكل باكله ودي كانت من أعراض كورونا، وأخويا خدني المستشفى فسمعت الدكتور بيقول له: ”احنا لازم نشيل الكلى الشمال فورًا" فرُحت قايمة قلت لمحمد أخويا: “مين اللي يشيل الكلى الشمال؟”. فقال لي: “أنتِ لازم نشيل كليتك الشمال”. فدخل الدكتور، وقال لي كورونا بتهاجم أضعف عضو من أعضاء الجسم، وأنا كان عندي حصوة وما كنتش اعرف، فالكورونا هاجمت الكلى فابتدت تبين إن كان فيه حصوة كبيرة سدت مجرى البول فالكلى الشمال بقت ضعفين ونصف الكلى اليمين وحصل صديد وابتدا يدخل في الدم وهيحصل تسمم في الدم وعلشان كده سخنت، وقتها عملت فيها رضوى الشربيني جدًّا وقلت له: “هات الأدوية آخدها في البيت”. ورُحت لـ11 دكتور وكلهم قالوا لازم تشيلي الكلى فورًا بعد ما شافوا الأشعة ما عدا طبيب واحد، وقلت له: أنا مصممة مش هشيل الكلى. فقال لي: مش هنشيلها بس لازم نعمل دعامة في الكلى. وأزلنا الحصوة الكبيرة وكنت بسجل الحلقة وأروح اعمل عملية من التلاتة اللي عملتهم".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.