واحد أوربا.. عتبة عتبة رمسيييييييييييس
علم مندوب وكالة هريدي نيوز في مطار القاهرة أن طيارة الست آشتون مندوبة الاتحاد الأوربي هي إللي كان عليها الدور، ووقف المنادي يقول: واحد أوربا واحد أوربا.. عتبة عتبة.. رمسيس، علشان كده الهانم سابت نائب الرئيس المصري وجريت علشان تلحق آخر كرسي باقي في الطيارة.
يقول محرر الوكالة: إن وزارة الخارجية المصرية أرسلت رسالة شديدة اللهجة إلى سفارة الاتحاد الأوربي في مصر تعترض على تصرف آشتون مع الراجل الكبارة إللي أد أبوها محمد البرادعي إللي هو مش كبير سن وبس لأ كبير مقام دا نائب رئيس أم الدنيا، وطالبت الخارجية المصرية في آخر رسائلها بضرورة اعتذار رسمي للبرادعي.
يؤكد محررنا أن السفارة بعد أن علمت بزعل الكبير أوي من إللي حصله أسرعت وطلعت بيان قالت فيه: إن آشتون ما انسحبتش ولا حاجة بس الطيار هو إللي كان مستعجل؛ لأن فيه أزمة بنزين وخايف يقف في طابور البنزين كتير بعد ما يسيب أم الدنيا.
