محمد مختار: خطبت بنت أصغر مني بـ25 سنة وبحبها بجنون (فيديو)
كشف المنتج محمد مختار عن حبه الأخير قائلا:"أنا بحب واحدة خاطبها بقالي 3 سنين، وبحبها حب جنوني، ومختلفين على حاجة هي عندها حق وأنا غلطان بنسبة 100% وأنا راجل لازم أتعالج من الغلط ده".
صورة حبيبة محمد مختار
وتابع خلال لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس":"الست اللى بحبها حاطط صورتها مع بناتي علي السلسلة اللى لابسها".
قصة حب جديدة يعيشها محمد مختار
وأضاف:"اللى بحبها سيدة أعمال ومصرية وهي أصغر مني بـ25 سنة، والفرق ما بيني وبين رانيا يوسف كان 17 سنة مش زي ما قالت 30 سنة".
زوجة محمد مختار الثالثة
ولفت:"رنا أم عمر ابني رقم 3 في زوجاتي والفارق بيني وبينها كان 30 سنة بس ميهمش انا شاب ورياضي والعمر مجرد رقم بالنسبة لي، انا مواليد 1955 يعني عندي 67 سنة بس طفل جامد".
في نفس اللقاء، قال المنتج محمد مختار:"أنا كتبت وصيتي ووزعت املاكي علي أولادي، كل حاجة امتلكها كتبتها للبنتين من رانيا يوسف واخوهم عمر من زوجة أخرى".
تركة محمد مختار لأبنائه
وأضاف:"الفلوس اللي انا سايبها لأولادي تعيشهم مرتاحين، وعلاقتي ببنتي الصغيرة كويسة أوي اما بنتي الكبيرة مش كويسة أوي لإنها مرتبطة بأمها رانيا يوسف".
محمد مختار يرد على اتهامات رانيا يوسف
وردًا علي تصريح رانيا يوسف بأنه لا ينفق علي بناته، علق:"السؤال ده انا مجاوبتش عليه علي مدى 5 سنين بس هجاوب عليه علشان العملية زادت، واحنا كنا متفقين عند فريد الديب المحامي بتاعها انها تتوقف علي هجومها على وعلي نادية الجندي، انا معايا ورق رسمي يثبت اني بصرف علي بناتي".
محمد مختار يبرئ نادية الجندي من اتهامات رانيا يوسف
وتابع:"نادية الجندي بريئة من كل الاتهامات اللي رانيا يوسف بتقولها ضدها، وبحول لبناتي فلوس علي الحساب البنكي بإنتظام والمحامي بتاع رانيا يوسف عارف كده".
مصروفات محمد مختار على ابنتيه
وأضاف:"انا مستور الحمد لله اكتر من أهلى، ابويا كان في اليونسكو، وكل اللى اتطلب مني وفرته لبناتي، فلوس مدارس انترناشيونال انا دافعها والأكل والشرب وكل الإحتياجات وفرتها، وبدفع لهم أكل وشرب بس كل شهر 15 ألف جنيه، و800 ألف جنيه سنويا مصروفات التعليم".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
