محمد مختار يرد على اتهامات رانيا يوسف ويكشف قيمة نفقاتها (فيديو)
قال المنتج محمد مختار:"انا كتبت وصيتي ووزعت املاكي علي أولادي، كل حاجة امتلكها كتبتها للبنتين من رانيا يوسف واخوهم عمر من زوجة أخرى".
تركة محمد مختار لأبنائه
وأضاف خلال لقائه ببرنامج "حبر سري" الذي تقدمه الإعلامية اسما ابراهيم بقناة "القاهرة والناس":"الفلوس اللي انا سايبها لأولادي تعيشهم مرتاحين، وعلاقتي ببنتي الصغيرة كويسة أوي اما بنتي الكبيرة مش كويسة أوي لإنها مرتبطة بأمها رانيا يوسف".
محمد مختار يرد على اتهامات رانيا يوسف
وردًا علي تصريح رانيا يوسف بأنه لا ينفق علي بناته، علق:"السؤال ده انا مجاوبتش عليه علي مدى 5 سنين بس هجاوب عليه علشان العملية زادت، واحنا كنا متفقين عند فريد الديب المحامي بتاعها انها تتوقف علي هجومها على وعلي نادية الجندي، انا معايا ورق رسمي يثبت اني بصرف علي بناتي".
محمد مختار يبرئ نادية الجندي من اتهامات رانيا يوسف
وتابع:"نادية الجندي بريئة من كل الإتهامات اللي رانيا يوسف بتقولها ضدها، وبحول لبناتي فلوس علي الحساب البنكي بإنتظام والمحامي بتاع رانيا يوسف عارف كده".
مصروفات محمد مختار علي ابنتيه
وأضاف:"انا مستور الحمد لله اكتر من أهلى، ابويا كان في اليونسكو، وكل اللى اتطلب مني وفرته لبناتي، فلوس مدارس انترناشيونال انا دافعها والأكل والشرب وكل الإحتياجات وفرتها، وبدفع لهم أكل وشرب بس كل شهر 15 ألف جنيه، و800 ألف جنيه سنويا مصروفات التعليم".
نجومية نادية الجندي
في وقت سابق، قالت الفنانة رانيا يوسف:"احترم في نادية الجندي الإصرار ومكنش حد علي الساحة غيرها هي والزعيم عادل إمام والفنانة نبيلة عبيد، وهما وقتها كانوا نجوم الشباك".
وتابعت خلال لقائها ببرنامج "العرافة" المذاع علي قناة "المحور":"نجومية نادية الجندي صنعتها بفلوسها وإنتاج زوجها المنتج محمد مختار".
موهبة نادية الجندي
وأضافت:"نادية الجندي معندهاش موهبة إلي حد ما، ولكن ليها عندي فيلمين بحبهم جدا وهما الباطنية والرغبة، ودول اللى بعتبرهم رصيدها الفني وفيه مجهود فيهم".
مشكلة نادية الجندي مع رانيا يوسف
ولفتت:"نادية الجندي كانت بتوقع بيني وبين طليقي المنتج محمد مختار، ومش هقول تفاصيل تانية عن حياتي، مينفعش يبقى فيه خلاف أو مشاكل ويبقى فيه تقويم علي بناتي وعليا، وانا اتجوزت محمد بعد ما انفصل عنها بـ7 سنين بس هي كانت واخدة موقف معايا".
وقالت الفنانة رانيا يوسف، "أنا انخدعت في كل الرجالة اللى ارتبطت بيهم، بيبقى الواحد منهم في الأول فرفوش ولذيذ وعايز يخرج ويسافر ولطيف وبعد كده بيتحولوا".
موقف رانيا من الزواج
وتابعت خلال لقائها ببرنامج "العرافة" المذاع علي قناة "المحور": "أنا مش هاتجوز تاني لأن الجواز عايز عقل وأنا مش طول الوقت هشغل عقلي في كل جوازة".
تعرض رانيا يوسف لعملية نصب
ولفتت رانيا يوسف:"تعرضت لعملية نصب من زوجي الثاني وطلع عنده 3 بطايق، وعرفت مين اللى حطلي الحشيش في العربية بس معرفتش اثبت وبتاع الجراج كان معاه المفتاح وزوجي الثاني كان معاه مفتاح وأنا معايا المفتاح وأثبت أنه آخد العربية يعملها صيانة وكده، ويكفيني أن الناس كلها كانت عارفة اني بريئة".
زوج رانيا يوسف الثاني
وأشارت: "لما اتجوزت زوجي الثاني بعد أبو بناتي كان نيتي معاه كويسة جدا وكنت شايفاه ولد كويس جدا بس للأسف اتخدعت فيه، ومفيش جوازة اتجوزتها كان فيها الراجل غني وأنا مش بتاعة فلوس ومش هاتجوز راجل غني مش بحبه، وطليقي المنتج محمد مختار مكنش غني ولا حاجة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
