عبير صبري: فكرت في تجميد بويضاتي وعدم الإنجاب نعمة (فيديو)
أكدت الفنانة عبير صبري أنها فكرت في تجميد بويضاتها، مشيرة إلى تراجعها عن تلك الخطوة بسبب خوفها من التجربة.
تفكير عبير صبري في تجميد البويضات
وقالت خلال لقائها ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": “فكرت في تجميد بويضاتي في وقت مكنتش لسه متجوزة وكان عندي شعور أني مش عارفة أتخذ الخطوة، ومكنتش متحمسة”.
رضا عبير صبري
وأضافت عبير صبري: "مش ندمانة على عدم تجميد بويضاتي وبعتبر عدم الخلفة نعمة زي ما الخلفة نعمة ربنا بيدينا حاجات وبياخد مننا حاجات علشان هو عارف ينفع لينا ايه أو مينفعش لينا ايه".
تفكير عبير صبري في تبني طفل
ولفتت: "فكرت في تبني طفل وبعدين اللي حواليا خوفوني من التجربة أن الطفل لما يكبر ممكن يكون سلوكه مش كويس ناحيتي لأن دي مرتبطة بالجينات الخاصة بأهله وممكن يطلع ابن عاق ".
في نفس اللقاء، قالت الفنانة عبير صبري:"نسبة التفاهم بيني وبين زوجي عالية جدا ووصلت لـ 80% لأننا كل فترة من العشرة بنفهم بعض أكتر وبنستوعب بعض أكتر وبنتجاوز عن أخطاء بعض وبننضج احنا الاتنين مع بعض".
العلاقة بين عبير صبري وزوجها
وأضافت:"في الأول كان زوجي أشقى مني بكتير، هو شقى وأنا هادية ولكن مع الوقت بدأ ياخد شوية من صفاتي ويسمع أكتر ويستوعب أكتر ويطبطب أكتر".
رأي زوج عبير صبري في أدوارها
وتابعت:"الأدوار اللى بشتغلها حرية شخصية ومباخدش إذن جوزي في أدواري ولكن أنا بحكيله وهو بيتحمس لشغلي أكتر مني أحيانا، وفي رمضان اتعرض عليا أكتر من عمل ولكن مكنش عندي طاقة أني أشتغل إلا عمل واحد ولكن هو كان عايزني اشتغل في أعمال كتير".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
