لطفي لبيب: فيلم الرصاصة لا تزال في جيبي لا يعبر عن حرب أكتوبر 1973 (فيديو)
قال الفنان لطفي لبيب: "اتولدت مرتين؛ مرة لما اتعملت ليا شهادة ميلاد زي كل الناس، ومرة بعد حرب أكتوبر 1973".
قسوة ما بعد حرب أكتوبر على “لطفي لبيب”
وأضاف خلال لقائه ببرنامج "أنا والقناع" المذاع على قناة "الحياة": "ميلاد ما بعد الحرب كان قاسي لإن رحلة الفن رحلة طويلة وابتديتها في معهد الفنون المسرحية مع زملائي خريجي سنة 1970؛ نبيل الحلفاوي ومحمد صبحي وهادي الجيار وشعبان حسين ونادية فهمي وسامي فهمي ويسري مصطفى، وكان عليَّ أن أبدأ من الصفر".
أفلام حرب أكتوبر
وتابع لطفي لبيب: "أنا استقبلت كل الفنانين وأنا في الجيش وصوروا في الكتيبة بتاعتي، أفلام الرصاصة لا تزال في جيبي، وبدور، وأبناء الصمت، وبالمناسبة ولا فيلم منهم لا يعبر عن حرب اكتوبر 1973، ويمكن أبناء الصمت هو اللى اخد شوية من الأحداث الحقيقية".
طلب لطفي لبيب
وأكد: "للأسف متعملش فيلم عن حرب أكتوبر، ومن وجهة نظري كل الأفلام لم تجسد الملحمة العزيمة للنصر العظيم والحدث العظيم، كان نفسي يتم استدعاء كل اللى شاركوا في حرب اكتوبر، وانا عارف إنهم كبار السن ومهكعين، ولكن نفسي نحتفل بيهم ويحصل حوار بكل الناس ومتروحش الذكرى أبدا".
في نفس اللقاء، قال الفنان لطفي لبيب: “في الكتيبة 26 قبل حرب أكتوبر سألوني مبتصليش معانا ليه؟! فاكتشفوا إن أنا مسيحي فقلت” لأ مينفعش، بس وقتها مصر كانت مختلفة، دخلت الجيش سنة 1970 طلعت في أواخر 1975 حوالي 6 سنين، وخلال الفترة دي كنت قاعد في حفرة وبحضر للجبهة، وقبل ما أدخل كانت مصر غير، ومفيهاش يعرفوا ده مسيحي وللا مسلم، ولكن لما طلعت من الجيش لقيت الحياة اتغيرت؛ الحرام كتر والحلال حاسب وخللي بالك".
لحظة استشهاد أحمد حمدي
وأضاف: "في حرب أكتوبر كان صديق عمري الشيخ عبد الفتاح صقر إمام مسجد ومتجوز دكتورة، ولسة ميت السنة اللي فاتت، واتشكلت مننا جماعات دفن شهداء.. كنا نلف الشهيد في بطانية، ونحفر وننزله لحد لما الحرب خلصت، والشهيد أحمد حمدي استشهد قدامي وكان بيجري بأقصى سرعة هو ورجالته علشان يعملوا كوبري، والتيار كان جامد واتضرب دفعة طيران.. الكوبري اترفع ورسي في مكانه، ورجالته عملوا الكوبري في لحظات وابتدت العربيات تعدي والدبابات تعدي وقبلها كان فيه حاجات برمائية".
أزمة الخيال في مصر
وتابع: "على الجبهة كل شيء غالي، بس الوطن أغلى، احنا عايشين في أحلى دولة في العالم والمحبة أساسية في الحياة ولو حبينا بعض هنبقى زي الفل، بلدنا فيها أزمة خيال، الخيال بقى محدود.. لو بصينا لكتاب المسرح اللى عاصرتهم في حياتي، كان علي سالم وعبد الرحمن الشرقاوي وسعد الدين وهبة وصلاح عبد الصبور وكوكبة من العظماء، النهاردة مين؟! مفيش دلوقتي، ونفس القصة في الشعر والأدب مبقاش عندنا حد، أنا قاعد في مكتبي اكتب موضوعات جميلة تقلم أظافر الوحش داخل الانسان".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا ، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
