لطفي لبيب: الحياة في مصر اتغيرت بعد 1975 والحرام كتر (فيديو)
قال الفنان لطفي لبيب: “في الكتيبة 26 قبل حرب أكتوبر سألوني مبتصليش معانا ليه؟! فاكتشفوا إن أنا مسيحي فقلت” لأ مينفعش، بس وقتها مصر كانت مختلفة، دخلت الجيش سنة 1970 طلعت في أواخر 1975 حوالي 6 سنين، وخلال الفترة دي كنت قاعد في حفرة وبحضر للجبهة، وقبل ما أدخل كانت مصر غير، ومفيهاش يعرفوا ده مسيحي وللا مسلم، ولكن لما طلعت من الجيش لقيت الحياة اتغيرت؛ الحرام كتر والحلال حاسب وخللي بالك".
لحظة استشهاد أحمد حمدي
وأضاف خلال لقائه ببرنامج "أنا والقناع" المذاع على قناة "الحياة": "في حرب أكتوبر كان صديق عمري الشيخ عبد الفتاح صقر إمام مسجد ومتجوز دكتورة، ولسة ميت السنة اللي فاتت، واتشكلت مننا جماعات دفن شهداء.. كنا نلف الشهيد في بطانية، ونحفر وننزله لحد لما الحرب خلصت، والشهيد أحمد حمدي استشهد قدامي وكان بيجري بأقصى سرعة هو ورجالته علشان يعملوا كوبري، والتيار كان جامد واتضرب دفعة طيران.. الكوبري اترفع ورسي في مكانه، ورجالته عملوا الكوبري في لحظات وابتدت العربيات تعدي والدبابات تعدي وقبلها كان فيه حاجات برمائية".
أزمة الخيال في مصر
وتابع: "على الجبهة كل شيء غالي، بس الوطن أغلى، احنا عايشين في أحلى دولة في العالم والمحبة أساسية في الحياة ولو حبينا بعض هنبقى زي الفل، بلدنا فيها أزمة خيال، الخيال بقى محدود.. لو بصينا لكتاب المسرح اللى عاصرتهم في حياتي، كان علي سالم وعبد الرحمن الشرقاوي وسعد الدين وهبة وصلاح عبد الصبور وكوكبة من العظماء، النهاردة مين؟! مفيش دلوقتي، ونفس القصة في الشعر والأدب مبقاش عندنا حد، أنا قاعد في مكتبي اكتب موضوعات جميلة تقلم أظافر الوحش داخل الانسان".
في وقت سابق، كشف الفنان لطفي لبيب، السبب وراء ابتعاده عن الساحة الفنية الفترة الأخيرة، مؤكدًا أن الوعكة الصحية التي تعرض لها تسببت في معاناته من الحركة وجعلته غير قادر على التمثيل.
مرض الفنان لطفي لبيب
وأوضح لطفي لبيب خلال مداخلة هاتفية ببرنامج “حضرة المواطن” الذي يقدمه الكاتب الصحفي سيد علي بقناة “الحدث اليوم”: "كانت جاتلي جلطة في المخ أثرت على الجانب الشمال ايد ورجل فالتمثيل دلوقتي بالنسبة مبقاش مهم أوي".
لطفي لبيب يكشف عن وجهته بعد اعتزال التمثيل
وأضاف: "بعيدًا عن التمثيل اتجهت اتجاه تاني وابتديت اكتب ومن سنوات وعندي رصيد كتابة اعتقد انه يكفي وربنا يسهل وأتقدم للشركة المتحدة ونعمل حاجات جميلة".
بكاء لطفي لبيب
وكان الفنان لطفي لبيب دخل في نوبة بكاء فور صعوده على خشبة مسرح مركز الهناجر للفنون بدار الأوبرا المصرية، وذلك خلال حفل ختام مهرجان أيام القاهرة للمونودراما، بحضور الفنانة سميرة عبد العزيز، والفنان أحمد فؤاد سليم.
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا ، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
