منة فضالي تتحدث عن خناقتها مع إيمان العاصي أثناء تصوير جعفر العمدة وتصدم محمد رمضان

قالت الفنانة منة فضالي: "ما عنديش أي خلاف مع زينة وبنصور مع بعض في مسلسل جعفر العمدة، احنا مش صحاب لكننا ممثلين وبنشتغل مع بعض، ومش متضايقة منها".
 

حقيقة خلاف منة فضالي مع زينة

وأضافت خلال لقائها ببرنامج "في آي بي" الذي تقدمه الإعلامية أميرة بدر بقناة "هي": "مفيش خلافات حصلت بيني وبين زينة خلال تصوير مشاهد مسلسل جعفر العمدة، وخلصت دورها كله، وأنا خلصت شغلي قبل ما هي تخلص، وهي ممثلة شاطرة".

قصة مشاجرة منة فضالي وإيمان العاصي وتدخل محمد رمضان

وتابعت: "أنا وإيمان العاصي أصحاب جدًّا ومش عارفة إيه الحوار التافه اللي اتنشر إننا اتخانقنا مع بعض خلال تصوير مسلسل جعفر العمدة، ودخلوا محمد رمضان في الموضوع، بس أكيد حد تافه أو فاضي هو اللي نشر الكلام دا، بس دي حاجة سخيفة ورخيصة جدًّا وما تطلعش إلا من حد رخيص".

نجمة الإغراء الأولى ونمبر وان

واختتمت: "نجمة الإغراء الأولى من وجهة نظري هي رانيا يوسف، وأحمد عز يتسحق نمبر وان ومحمد رمضان أيضًا يستحقها".

منة فضالي تفتح النار على حلا شيحة: اللي أنت بتعمليه حرام وضحك على ربنا (فيديو)

منة فضالي باكية: أبويا مش بيحبني ولي أخوات ما أعرفهمش ولا عمري شفتهم (فيديو)

في نفس اللقاء، كشفت الفنانة منة فضالي، سر هجومها على الفنانة المعتزلة حلا شيحة، قائلة: "أنا مش محجبة وبلبس فساتين عريانة، بس عمري ما هلبس الحجاب وأروح قالعاه، لأن كده يبقى بنضحك على ربنا، مش كل شوية ألبس الحجاب وأقلعه حاجة مش لطيفة وبتضايق".
 

مشكلة الحجاب مع حلا شيحة

وأضافت: "أنا مش محجبة بس بفهم في الدين، ما ينفعش حلا شيحة كل شوية تلبس الحجاب وتقلعه، حرام، لأن كدا تبقى بتضحك على ربنا، هل لبس الحجاب وخلعه بقت موضة".

أزمة حلا شيحة مع تامر حسني

وتابعت منة فضالي: "حلا شيحة تسببت في مشكلة وأزمة كبيرة وقت ما كانت بتصور فيلم مع تامر حسني وما نزلتش تكمل تصوير وشالوا مشاهد ومش عايزة تروح تعمل دوبلاج علشان لبس الحجاب طيب قلعنا الحجاب، طيب الناس ذنبها إيه وليه بتغلطي في الزملاء وتقولي الفن حرام ما أنتِ قلعتِ الحجاب وبتلبسي زيك زينا دلوقتِ مش دي حاجة تضايق".

منة فضالي تكشف الفارق بين حلا شيحة وحنان ترك

وأردفت: "احنا مش بنهين حلا شيحة، لكن احنا بننتقد الحالة، وأنا أصلًا بحبها كممثلة لأن وشها مريح بالنسبة لي وبحس إنها مش مصرية وشها إسباني وفرحت لما اتجوزت واتحجبت وزعلت إنها سابت الفن لأن شكلها قمر وممثلة شاطرة، وأنا مش ضدها لكن ضد الحالة يا ألبس حجاب وأبقى محجبة يا إما ما ألبسهوش احنا عندنا حنان ترك قمر وكانت نجمة ومفيش أي منافس ليها وكل الناس بتحبها واتحجبت وبعدت وما قلعتش الحجاب، وأنا ممكن ألبس الحجاب في يوم من الأيام بس ما جتش في بالي".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.